Ferill 86. máls. Aðrar útgáfur af skjalinu: PDF - Word Perfect.
125. löggjafarþing 1999–2000.
Þskj. 184 — 86. mál.
Svar
fjármálaráðherra við fyrirspurn Jóhönnu Sigurðardóttur um barnabætur.
1. Hver var heildarkostnaður ríkissjóðs að raungildi vegna barnabóta og barnabótaauka árlega síðustu tíu ár og hve margir fengu barnabætur á hverju ári?
Barnabætur | 1999 | 1998 | 1997 | 1996 | 1995 | 1994 | 1993 | 1992 | 1991 | 1990 |
Barnabætur | 3.779 | 4.078 | 2.693 | 2.684 | 2.635 | 2.584 | 2.522 | 2.505 | 3.623 | 3.277 |
Barnabótaauki | - | - | 1.878 | 2.102 | 1.959 | 1.884 | 1.817 | 1.786 | 1.197 | 1.105 |
Alls | 3.779 | 4.078 | 4.571 | 4.786 | 4.594 | 4.468 | 4.339 | 4.291 | 4.819 | 4.381 |
Fjöldi bótaþega1) | ||||||||||
Barnabætur | 41.391 | 45.709 | 70.105 | 70.578 | 71.342 | 71.549 | 71.116 | 69.806 | -2) | - |
Barnabótaauki | - | - | 33.790 | 37.906 | 37.637 | 37.002 | 35.781 | 35.503 | 29.375 | - |
Á verðlagi ársins 19993) | ||||||||||
Barnabætur | 3.779 | 4.176 | 2.804 | 2.845 | 2.857 | 2.849 | 2.822 | 2.918 | 4.376 | 4.228 |
Barnabótaauki | - | - | 1.956 | 2.229 | 2.124 | 2.078 | 2.033 | 2.081 | 1.445 | 1.425 |
Alls | 3.779 | 4.176 | 4.760 | 5.074 | 4.981 | 4.926 | 4.855 | 4.999 | 5.822 | 5.653 |
Neysluverðsvísitala | 129,02 | 126,00 | 123,89 | 121,70 | 119,01 | 117,02 | 115,29 | 110,75 | 106,80 | 100,00 |
1) Fjöldi einstaklinga sem eiga rétt á bótum vegna barna innan 16 ára. Hjón talin sem tveir einstaklingar.
2) Upplýsingar ekki fyrirliggjandi
3) Miðað við neyðsluverðsvísitölu.
Árið 1991 var ákveðið að auka vægi tekjutengingar í barnabótakerfinu og 1997 var skrefið stigið til fulls með því að tekjutengja allar barnabætur. Jafnframt var þá ákveðið að allar bætur og afsláttarliðir í tekjuskattskerfinu skyldu hækka um 2,5% í ársbyrjun 1998, 1999 og 2000, í samræmi við áætlanir um verðlagsþróun. Með þessu var í reynd horfið til þess sem gilti þegar staðgreiðslukerfið var tekið upp árið 1988, þ.e. að þessir liðir skyldu fylgja verðlagi.
Þetta atriði endurspeglast í heildargreiðslum barnabóta á árunum 1992–96 sem þróast nokkurn veginn í takt við verðlag. Frá árinu 1997 hefur heildargreiðsla barnabóta hins vegar lækkað, þótt allar fjárhæðir í barnabótakerfinu hafi hækkað um rúmlega 5%. Þessi þróun endurspeglar mikla kaupmáttaraukningu í þjóðfélaginu á þessum tíma og áhrif tekjutengingarinnar við þær aðstæður.
2. Hvert er fyrirkomulag og skilyrði til barnabóta annars staðar á Norðurlöndum og hve háar eru slíkar greiðslur á ári með hverju barni samanborið við greiðslur hér á landi?
Við samanburð af þessu tagi þarf að hafa í huga samspil bótagreiðslna og skattkerfis í löndunum. Þannig er almenn skattbyrði í Danmörku, Noregi og Svíþjóð umtalsvert þyngri en bæði í Finnlandi og sérstaklega á Íslandi, sem sker sig úr að þessu leyti með mjög há skattleysismörk.
a. Ísland.
Barnabætur hér á landi greiðast vegna hvers barns innan 16 ára aldurs. Barnabætur árið 1999 eru eftirfarandi:
Óskertar barnabætur hjóna | kr. |
Með fyrsta barni
|
104.997 |
Með hverju barni umfram eitt
|
124.980 |
Viðbót vegna barna yngri en 7 ára
|
30.930 |
Óskertar barnabætur einstæðra foreldra | kr. |
Með fyrsta barni
|
174.879 |
Með hverju barni umfram eitt
|
179.389 |
Viðbót vegna barna yngri en 7 ára
|
30.930 |
Hjá hjónum og sambúðarfólki reiknast skerðing vegna tekna af samanlögðum tekjustofni umfram 1.169.568 kr. og hjá einstæðu foreldri af tekjustofni umfram 584.784 kr. Sé um að ræða eitt barn skerðast barnabætur um 5% af tekjum umfram þessi mörk, ef börnin eru tvö um 9% og ef börnin eru þrjú eða fleiri um 11%.
Barnabætur eru greiddar með tveimur jöfnum greiðslum á ári og eru þær skattfrjálsar. Fyrri greiðslan fer fram eigi síðar en 1. ágúst og síðari greiðslan eigi síðar en 1. nóvember.
b. Danmörk.
Barnabætur greiðast vegna barna sem eru yngri en 18 ára. Þær eru háðar aldri barnsins og eru árið 1999 fyrir hvert barn sem hér segir:
Börn | DKK | ÍSK |
1–2 ára
|
11.300 | 110.062 |
3–6 ára
|
10.200 | 99.348 |
7–18 ára
|
8.100 | 78.894 |
Barnabæturnar greiðast út ársfjórðungslega í jöfnum greiðslum og eru til ráðstöfunar 20. janúar, 20. apríl, 20. júlí og 20. október. Þær eru hvorki tekjutengdar né skattskyldar. Þess má geta að í gegnum danska almannatryggingakerfið eru greiddir sérstakir styrkir eftir umsókn til tiltekinna hópa, svo sem einstæðra foreldra.
c. Noregur.
Barnabætur greiðast vegna barna sem eru 16 ára og yngri. Fjárhæð barnabóta á árinu 1999 er eftirfarandi:
NOK | ÍSK | |
Með fyrsta barni
|
11.112 | 97.674 |
Með öðru barni
|
11.112 | 97.674 |
Með þriðja barni o.fl.
|
13.092 | 115.079 |
Aukabarnabætur vegna barna á aldrinum 1–3 ára
|
7.884 | 69.300 |
Aukabarnabætur fyrir þá sem búa í Finnmörku
og Norður-Troms
|
3.792 | 33.332 |
Einstæðir foreldrar eiga rétt á viðbótarbarnabótum sem jafngilda greiðslu barnabóta með einu barni umfram það sem viðkomandi á. Barnabætur eru greiddar út fyrsta hvers mánaðar með jöfnum greiðslum. Þær eru skattfrjálsar og án tekjutengingar.
d. Svíþjóð.
Barnabætur í Svíþjóð greiðast vegna allra barna 16 ára og yngri. Barnabætur til barnmargra fjölskyldna eru hærri þegar börnin eru orðin þrjú eða fleiri. Hækka bæturnar um 2.400 sænskar kr. (19.992 íslenskar kr.) á ári fyrir þriðja barn, 7.200 sænskar kr. (59.976 íslenskar kr.) á ári fyrir fjórða barn og 9.000 sænskar kr. (74.970 íslenskar kr.) á ári fyrir fimmta barn og fleiri. Fjárhæð barnabóta árið 1999 er eftirfarandi:
SEK | ÍSK | |
Með fyrsta barni
|
9.000 | 74.970 |
Með öðru barni
|
9.000 | 74.970 |
Með þriðja barni.
|
11.400 | 94.962 |
Með fjórða barni
|
16.200 | 134.946 |
Með fimmta barni o.fl.
|
18.000 | 149.940 |
Barnabæturnar greiðast út tuttugasta hvers mánaðar. Þær eru skattfrjálsar og án tekjutengingar. Þess skal getið að greiddar eru svokallaðar viðbótarbætur eða framlengdar barnabætur vegna barna á aldrinum 16–19 ára þegar þau eru í tilteknum skólum.
e. Finnland.
Barnabætur í Finnlandi greiðast með börnum til 17 ára aldurs. Fjárhæð bótanna fer eftir fjölda barna í hverri fjölskyldu og einstæðir foreldrar fá hærri barnabætur. Fjárhæð barnabóta árið 1999 er eftirfarandi:
FIM | ÍSK | |
Með fyrsta barni
|
6.420 | 78.324 |
Með öðru barni
|
7.884 | 96.185 |
Með þriðja barni.
|
9.348 | 114.046 |
Með fjórða og hverju barni til viðbótar
|
10.812 | 131.906 |
Viðbótarbarnabætur til einstæðra foreldra
er 200 FIM á mánuði.
|
12.276 | 149.767 |
Barnabæturnar eru greiddar út mánaðarlega og eru þær skattfrjálsar og án tekjutengingar.
3. Hve mörg lönd innan OECD tekjutengja barnabætur og að hvaða aldursmörkum barna eru greiddar barnabætur?
Í aðildarríkjum OECD þekkist tekjutenging barnabóta í Ástralíu, Grikklandi, Ítalíu, Kanada, Portúgal og á Spáni auk Íslands. Aldursmörkin eru 16 eða 18 ár og er skiptingin nokkuð jöfn. Í einu tilviki eru aldursmörkin 17 ár.
4. Hvaða áform eru uppi um að draga úr tekjutengingu barnabóta og hvenær má ætla að þau komist til framkvæmda?
Í stjórnarsáttmála ríkisstjórnarflokkana er fjallað um tekjutengingu barnabóta og þar segir: „Að styrkja fjölskylduna sem hornstein þjóðfélagsins og treysta samheldni hennar og velferð. Meðal annars verði dregið úr tekjutengingu í barnabótakerfinu, t.d. með útgáfu sérstakra barnakorta eða öðrum sambærilegum aðgerðum.“ Gert er ráð fyrir að unnið verði að þessu markmiði á kjörtímabilinu.
5. Telur ráðherra eðlilegt að greiða barnabætur til 18 ára aldurs barns við hækkun á sjálfræðisaldrinum og eru uppi áform um það?
Engin bein tengsl eru milli breytinga á sjálfræðisaldri og barnabóta. Ekki eru uppi áform um að greiða barnabætur til 18 ára aldurs.