Ferill 152. máls. Aðrar útgáfur af skjalinu: PDF - Word Perfect.
125. löggjafarþing 1999–2000.
Þskj. 223 — 152. mál.
Svar
dómsmálaráðherra við fyrirspurn Ögmundar Jónassonar um söfnunarkassa og happdrættisvélar.
Fyrirspurnin hljóðar svo:
Hverju hafa söfnunarkassar og happdrættisvélar skilað Íslenskum söfnunarkössum og Háskóla Íslands á árinu 1998 og það sem af er þessu ári:
a. í heild,
b. að frádregnum vinningum og kostnaði?
Dómsmálaráðuneytið leitaði til Íslenskra söfnunarkassa sf. og Happdrættis Háskóla Íslands um svör við fyrirspurninni. Byggjast meðfylgjandi tölur á upplýsingum frá þeim.
Árið 1998 og fyrstu sex mánuði þessa árs skiluðu söfnunarkassar og happdrættisvélar Íslenskum söfnunarkössum sf. og Happdrætti Háskóla Íslands eftirgreindum fjárhæðum í tekjur:
| Íslenskir söfnunarkassar | Happdrætti Háskóla Íslands | |
| 1998 | 1.133 millj. kr. | 757 millj. kr. |
| 1999 (sex mánuðir) | 584 millj. kr. | 486 millj. kr. |
Árið 1998 greiddi Happdrætti Háskóla Íslands 56 millj. kr. í einkaleyfisgjald af framangreindum fjárhæðum og 37 millj. kr. fyrstu sex mánuði ársins 1999.
Að frádregnum vinningum og kostnaði höfðu Íslenskir söfnunarkassar sf. og Happdrætti Háskóla Íslands til ráðstöfunar:
| Íslenskir söfnunarkassar | Happdrætti Háskóla Íslands | |
| 1998 | 834 millj. kr. | 235 millj. kr. |
| 1999 (sex mánuðir) | 432 millj. kr. | 150 millj. kr. |
