Ásta Möller (andsvar):
Virðulegi forseti. Hv. þm. sagði að þetta væru dýrar 7 þús. kr. og það hefði mátt hugsa sér hvað það hefði verið auðvelt að gefa eftir ákveðið prinsipp og láta þessar 7 þús. kr. fjúka, ef við getum orðað það þannig. Og það hefði verið hin auðvelda leið. Hvað hefði þá stjórnarandstaðan til að rífast um hér í dag? Ekki nokkurn skapaðan hlut. Hún einblínir á þessar 7 þús. kr. Ég er búin að lýsa því prinsippi og ef hv. þm. leggja ekki við hlustir þegar verið er að tala, þá veit ég ekki hvað þeir eru að gera hér.