Sverrir Hermannsson:
Herra forseti. Frjálslyndi flokkurinn hefur frá öndverðu álitið að mál þetta væri óþinglegt og með öllu óhæft til umræðu og afgreiðslu á hinu háa Alþingi af því að ýmsar greinar þess, ef að lögum verða, brjóta bersýnilega í bága við stjórnarskrá lýðveldisins.
Flokkurinn hefur ekki breytt þessari afstöðu sinni og þegar við bætast röksemdir, sem minni hluti heilbr.- og trn. hefur fært fram, er einsýnt að þingmenn flokksins hljóta að fylgja fast fram þeirri tillögu til frávísunar sem er hér til afgreiðslu.