Þorgerður K. Gunnarsdóttir:
Herra forseti. Þetta mál er alveg skýrt í huga mínum. Hv. allshn. fór mjög rækilega yfir þetta tiltekna mál. Við mátum gögnin mjög vandlega þannig að þetta er alveg kýrskýrt í mínum huga.
Ég sé enga ástæðu til að nefndin fari að fara aftur yfir frv. Það er vel og vandlega undirbúið.
Hins vegar er það sjálfsagt að ég fari þess á leit við hæstv. dómsmrh. og dómsmrn. að það gefi okkur upplýsingar um hvar vinna þessarar títtnefndu nefndar er á vegi stödd og nefndarmönnum verði gefnar upplýsingar um þau störf. Það er sjálfsagt mál.