Guðjón A. Kristjánsson (andsvar):
Herra forseti. Það kom þá á daginn. Ráðherra var algjörlega ljóst og hafði vissu fyrir því að frestun verkfalls með samkomulagi aðila var ekki til staðar. Hæstv. ráðherra var það ljóst enda eru lögin sem hér á að setja að ósk útgerðarmanna, með ráðleggingum útgerðarmanna og leiðbeiningum útgerðarmanna hér niðri í þingflokksherbergjum. Það er greinilegt hvernig að þessum málum er staðið. Auðvitað vilja stórútgerðarmenn ekki fá fram neina frestun. Það var akkúrat það sem ráðherrann var að upplýsa, að lægi fyrir.