[prenta uppsett í dálka] 122. fundur, 126. lþ.
Sjávarútvegsráðherra (Árni M. Mathiesen) (andsvar):
Herra forseti. Í fyrsta lagi held ég að það hljóti að vera misskilningur hjá hv. þm. þegar hann telur að ágreiningur sé á milli stjórnarflokkanna eða milli ráðherranna í þessu efni. Eins og ég hef áður sagt: Ef menn telja eitthvað athugunar vert í frv. þá skoðar nefndin það auðvitað.
Ég ítreka hins vegar það sem ég sagði áðan, að frv. tiltekur ekki hversu langur samningurinn á að vera. Það er gerðardóms að gera það eðli málsins samkvæmt. Því er ástæðulaust að gera því skóna fyrir fram hver niðurstaða gerðardómsins mun verða.
