[prenta uppsett í dálka] 123. fundur, 126. lþ.
Guðjón A. Kristjánsson (andsvar):
Herra forseti. Ég held að 2. gr. í þessu frv. vísi það skýrt til ákveðins kjarasamnings og mæli það skýrt fyrir um hvað gerðardómurinn skuli gera, gerðardómurinn skal ákveða og það segir hér, með leyfi hæstv. forseta:
,,Skal gerðardómurinn ákveða eftirfarandi um kjaramál fiskimanna í þeim samtökum sem nefnd eru í 1. gr.:`` --- Síðan kemur atriðaupptalning sem er öll byggð á kjarasamningi Vélstjórafélags Íslands. Þarna eru gefin afar stíf fyrirmæli um það hvernig gerðardómurinn á að vinna. Ég held að það sé misráðið þegar menn setja upp gerðardóma að svo stíf fyrirmæli skuli sett inn.
