[prenta uppsett í dálka] 30. fundur, 126. lþ.
Drífa Hjartardóttir:
Herra forseti. Ég kem upp til að taka undir með þeim sem hér hafa talað. Ég held að það sé mjög mikilvægt að vernda gömul hús. Húsagerð hér á Íslandi er á margan hátt mjög einstök. Það þekkist ekki annars staðar í heiminum að byggðir hafi verið torfbæir en það var gert á Íslandi frá landnámstíð og fram á þessa öld. Ég held að margt hafi verið mjög vel gert og við sjáum þess víða merki þar sem heimamenn víða úti á landi hafa verið í forustu og komið gömlum húsum til vegs á ný með miklum og góðum stuðningi ríkisvaldsins.
