[prenta uppsett í dálka] 39. fundur, 126. lþ.
Frsm. meiri hluta fjárln. (Jón Kristjánsson) (andsvar):
Herra forseti. Hv. þm. gerði fjárveitingar til utanrrh. að umræðuefni. Varðandi heimssýninguna í Hannover, að það hafa verið brtt. bæði í fjáraukalagafrv. og við 2. umr., þá eru skýringar á því að fjárveitingin í frv. var með fyrirvara um að það ætti eftir að selja sýningarskálann og brtt. er í ljósi þess að sýningarskálinn hefði verið seldur. Þá er það uppgjör á heimssýningunni. Ég vil að það komi fram.
Varðandi svo stefnumörkunina almennt, þá hef ég margsinnis tekið það fram í umræðunni að það er fullkomlega óeðlilegt að bera saman einskiptisfjárveitingar til fjárfestinga þó miklar séu í sendiráðum erlendis og framlög til rekstrar í velferðarkerfinu. Einnig er rangt að það hafi verið niðurskurður í velferðarkerfinu. Meiri peningum er varið til velferðarmála nú en áður þó auðvitað megi betur gera á mörgum sviðum, ég dreg ekkert úr því. Við bætum umræðuna ekkert með því að blanda saman einskiptisfjárveitingum til fjárfestinga og hvort við bætum inn í rekstrarkostnað ríkissjóðs varanlegum fjármunum. Við höfum verið að gera það og við stefnum að því að gera betur í þessum efnum.
