[prenta uppsett í dálka] 40. fundur, 126. lþ.
Fjármálaráðherra (Geir H. Haarde) (andsvar):
Herra forseti. Það er nú dálítið verið að snúa út úr því hvað er stórmál og hvað er smámál. Auðvitað er það stórmál að afsala tekjum upp á 1.250 millj. kr. Það er enn þá stærra mál að afsala tekjum upp á rúmlega 3 milljarða eins og ríkissjóður er að gera í fjárlögum fyrir næsta ár að því er varðar framlag til sveitarfélaganna með ýmsum hætti sem ég þarf ekki að rekja hér.
En það sem þingmenn hafa verið að gagnrýna í dag er kannski ekki aðallega þetta heldur spurningin um svokölluð skattfrelsismörk og persónuafslátt þar sem um er að ræða mjög lágar upphæðir á hvern og einn einstakling eins og ég hef margrakið hér.
