[prenta uppsett í dálka] 74. fundur, 127. lþ.
Pétur H. Blöndal (andsvar):
Herra forseti. Nei, ég held að sú breyting, skattalækkunin, hafi einmitt komið í veg fyrir að íslensk fyrirtæki flyttu hagnaðinn til útlanda eða flyttu starfsemi sína til útlanda og þar með fólkið og fjármagnið og allt með. Hún kom í veg fyrir það. Ef hún hefði verið enn betri þá hefðum við hugsanlega fengið enn fleiri fyrirtæki til landsins. Það hefði aukið hagsæld hér á landi, hækkað atvinnustig og væntanlega flutt inn til landsins mörg hálaunastörf.
Ég lagði til að skattprósentan yrði sett í 11% en það var reyndar fellt á hinu háa Alþingi með miklum meiri hluta. Ég tel að með skattalækkuninni hafi menn komið í veg fyrir að íslensk fyrirtæki færu til útlanda og nýttu sér lægri skatta þar.
