[prenta uppsett í dálka] 80. fundur, 127. lþ.
Flm. (Pétur H. Blöndal) (andsvar):
Herra forseti. Sýn hv. þm. á þætti Alþingis í lausn kjarasamninga eða slíku þríhliða samkomulagi er eitthvað sem ekki er í stjórnarskránni. Alþingi setur lög. Hvergi stendur að Alþingi eigi að leysa kjarasamninga. Alþingi stendur ekki í útgerð eða sjómennsku. Þó að Alþingi hafi oft verið misnotað til að reyna að leysa kjarasamninga og leitað hafi verið til Alþingis með lagasetningar í því sambandi eða ríkisvaldsins, þá hefur ríkisvaldið alltaf skrifað undir þá samninga með fyrirvara um samþykki Alþingis sem er löggjafarsamkunda og setur almenn lög fyrir alla þjóðina.
