Vilhjálmur Egilsson:
Virðulegi forseti. Ég styð það að sjálfsögðu að hluti af andvirði af sölu hlutabréfa í Steinullarverksmiðjunni renni til framfaramála í Skagafirði. Það er athyglisvert að fylgjast með því að hv. þm. Jón Bjarnason byrjaði á því í umræðum í gær að afneita sögu sinni í Skagafirði með því að þykjast ekki hafa komið nálægt Skagafjarðarlistanum. Síðan afneitaði hann því að hafa farið í prófkjör fyrir Samfylkinguna í síðustu alþingiskosningum. Það endar sjálfsagt með því að hann verður á móti framförum á Hólum.