Sjávarútvegsráðherra (Árni M. Mathiesen) (andsvar):
Herra forseti. Samtakamáttur er auðvitað enn þá fyrir hendi og það er hægt að grípa til ýmissa ráða í dag eins og áður þegar kvótinn fer úr byggðarlaginu eða skip er selt. Það er einmitt dæmi um það í byggðarlaginu sem hefur verið til umræðu og einmitt í samræmi við það sem fram kom, ef ég man rétt, að gula Guggan hafi verið seld frá Ísafirði en möguleikarnir í útgerðinni hafa ekki verið minni en svo að keypt hefur verið önnur gul Gugga sem nú er gerð út frá Ísafirði.