Forseti (Guðjón Guðmundsson):
Forseti vill láta þess getið að ráðgerðar eru tvær umræður utan dagskrár í dag. Hin fyrri verður nú í upphafi þingfundar og er um áform í einkarekstri heilbrigðisþjónustunnar. Málshefjandi er hv. þm. Bryndís Hlöðversdóttir. Hæstv. heilbrrh. verður til andsvara. Umræðan fer fram samkvæmt 1. mgr. 50. gr. þingskapa og stendur í hálfa klukkustund.
Hin síðari hefst um kl. 2.30 og er um yfirtöku ríkisins á Orkubúi Vestfjarða. Málshefjandi er hv. þm. Jón Bjarnason. Hæstv. fjmrh. verður til andsvara.