[prenta uppsett í dálka] 31. fundur, 127. lþ.
Iðnaðarráðherra (Valgerður Sverrisdóttir) (andsvar):
Hæstv. forseti. Þegar ég tala um bónus þá er ég að tala um að þetta sé bónus fyrir íslenska þjóð að hafa náð þessu í gegn. Mér finnst það aðalatriðið. (Gripið fram í: Ekki hver fær vinninginn.) En hins vegar er þetta magn, 1,6 millj. tonn, heilmikið og það má kannski líkja því við eina Sultartangavirkjun á ári, og það er kannski u.þ.b. það sem við gætum hugsanlega virkjað og þannig verður þessi upphæð eða tala til.
En ég tek það fram aftur að þetta er fyrst og fremst bónus fyrir Ísland og ég trúi ekki öðru en að hv. þm., sem ég veit að er hlynntur atvinnuuppbyggingu, ekki síst í nágrenni við heimabyggð sína, geti glaðst með okkur yfir því að hafa náð fram íslenska ákvæðinu sem eykur líkurnar á því t.d. að Norðurál geti farið í þá stækkun sem fyrirtækið hefur á prjónununum.
