Drífa Hjartardóttir:
Herra forseti. Ég vil vekja athygli á einu máli. Á síðustu fjárlögum studdi Alþingi tilraunaverkefni í Vestmanneyjum sem er fíkniefnahundur sem hefur reynst afar vel. Þessi hundur hefur farið í margar leitir, bæði í skip og báta, á flugvöllinn og hefur reynst afar vel og verður vonandi áframhald á því verkefni. Ég vildi bara vekja athygli á þessu því að það er alltaf verið að tala um neikvæða hluti. Þetta er mjög jákvæður hlutur og ég held að margir mættu af þessu læra.