Þuríður Backman:
Herra forseti. Ég þakka fyrirspyrjanda fyrir að koma með þessa fyrirspurn um erfðabreyttar lífverur.
Það er ljóst að við erum langt á eftir hvað varðar löggjöf og reglugerðir um notkun á erfðabreyttum lífverum, hvort heldur það er í dýrafóður, sáðvörur eða til manneldis. Því tel ég að við þurfum að leggja kröftuga vinnu í þessa undirstöðulöggjöf okkar varðandi erfðabreyttar lífverur. Nú eru miklar sviptingar í gangi. Það er mikil framleiðsla á þessu sviði og á að vera lágmarkskrafa að við a.m.k. vitum hvort sú vara sem við notum er erfðabreytt eða ekki.