[prenta uppsett í dálka] 57. fundur, 128. lþ.
Svanfríður Jónasdóttir (um atkvæðagreiðslu):
Herra forseti. Þetta frv. er fyrst og fremst innlegg í byggðakvótaæfingar hæstv. ríkisstjórnar. Þær æfingar ganga efnislega gegn þeirri stefnu sem Samfylkingin hefur í sjávarútvegsmálum og Samfylkingin hefur ekki tekið ábyrgð á þeim byggðakvótum eða pottum sem ríkisstjórnin bætir nú við ótt og títt. Þó að málið sé fyrst og fremst tæknilegt, herra forseti, lítum við svo á að það sé allt og í heild sinni á ábyrgð ríkisstjórnarinnar og sitjum þess vegna hjá.
