Aðrar útgáfur af skjalinu: PDF - Word Perfect. Ferill 84. máls.
128. löggjafarþing 2002–2003.
Þskj. 536 — 84. mál.
iðnaðarráðherra við fyrirspurn Kolbrúnar Halldórsdóttur um þátttöku ríkissjóðs í kostnaði við undirbúning álvers í Reyðarfirði.
1. Hver er heildarkostnaður ríkissjóðs við undirbúning álvers í Reyðarfirði, sundurliðað eftir árum, og af hvaða fjárlagaliðum hafa þeir fjármunir komið?
Kostnaður ríkissjóðs hefur verið greiddur af fjárveitingum Fjárfestingarstofunnar – orkusviðs og iðnaðarráðuneytis. Frá árinu 1997 hefur kostnaðurinn verið sem hér segir en tekið skal fram að niðurstöður rannsókna frá fyrri árum hafa einnig komið að notum.
Í þessum tölum er einnig innifalinn útlagður kostnaður sem fæst endurgreiddur ef til framkvæmda kemur.
2. Hver hefur þátttaka Norsk Hydro/Hydro Aluminium verið í þessum kostnaði?
Hlutdeild Fjárfestingarstofunnar – orkusviðs í sameiginlegum kostaði sem endurgreiða átti samkvæmt samningi við Reyðarál hf. ef til framkvæmda kæmi er 112,6 millj. kr. Eins og kunnugt er hætti Norsk Hydro/Hydro Aluminium við byggingu álversins. Í tengslum við samninga um kaup Alcoa Inc. á Reyðaráli var samið um að Alcoa greiddi Fjárfestingarstofunni – orkusviði 600.000 USD eða tæplega 52 millj. kr.
3. Hvert hefur verið hlutverk STAR, samstarfsnefndar um staðarvalsathuganir iðnaðarsvæða á Reyðarfirði, í þessum undirbúningi og hverjar voru árlegar heildargreiðslur til nefndarinnar á tímabilinu 1997–2002?
Hlutverk STAR – samstarfsnefndar um staðarvalsathuganir iðnaðarsvæða í Reyðarfirði, sem sett var á stofn 1. september 1998, er að vera rammi utan um samstarf sameinaðs sveitarfélags Eskifjarðar, Neskaupstaðar og Reyðarfjarðar, Orku- og stóriðjunefndar sveitarfélaga á Austurlandi (OSSA-SSA) og Fjárfestingarstofunnar – orkusviðs, sem miðar að því að koma á fót orkufrekum iðnaði í Reyðarfirði. Nefndin tók við verkefnum sameiginlegrar nefndar Fjárfestingarstofunnar – orkusviðs og Orku- og stóriðjunefndar sveitarfélaga á Austurlandi sem stofnað var til 10. október 1997. Árið 2000 var nefndin stækkuð með tilnefningu fulltrúa norðan og sunnan Fjarðabyggðar. STAR hefur sinnt hlutverki sínu með ýmsum hætti, m.a. ráðstefnu- og námskeiðshaldi, miðlun upplýsinga til fjárfesta og sveitarfélaga, atvinnufyrirtækja og íbúa á Austurlandi, skipulagningu kynnisferða og móttöku fulltrúa erlendra fjárfesta, aðstoð við FAG-hóp atvinnulífsins á Austurlandi, aðstoð við samfélagsathuganir o.fl.
STAR hefur ekki haft sjálfstæðan fjárhag, en starfsmaður á Reyðarfirði hefur verið í hlutastarfi kostaður af Fjárfestingarstofunni – orkusviði.
Aðilar að STAR hafa borið kostnað af framlagi til starfsins hver fyrir sig. Heildargreiðslur Fjárfestingarstofunnar – orkusviðs vegna verkefna í nafni eða á verksviði STAR á árunum 1997 til 1. nóvember 2002 hafa numið samtals 29.415.035 kr.
4. Hvaða hlutverki hefur eignarhaldsfélagið Hraun ehf. gegnt við undirbúning álvers í Reyðarfirði og er það enn starfandi? Hvaða greiðslur hafa runnið til félagsins úr ríkissjóði vegna undirbúnings álvers í Reyðarfirði, sundurliðað eftir árum?
Eignarhaldsfélagið Hraun ehf. var stofnað 12. júlí 1999 í þeim tilgangi að kanna og vinna að undirbúningi að stofnun álvers í Reyðarfirði og annarri atvinnustarfsemi í Fjarðabyggð. Stofnandi félagsins er sveitarfélagið Fjarðabyggð sem á allt hlutafé þess. Félagið starfaði sem framkvæmdaraðili við undirbúning á framkvæmdum vegna álvers í Reyðarfirði. Sem slíkur lét félagið fara fram frummat á umhverfisáhrifum álversins. Kostnaður við matið var alfarið greiddur af Fjárfestingarstofunni – orkusviði og Hydro Aluminium. Félagið er enn starfandi, en hefur framselt réttindi sín vegna frummats á umhverfisáhrifum til Fjárfestingarstofunnar – orkusviðs. Félagið hefur ekki fengið neinar greiðslur úr ríkissjóði.
128. löggjafarþing 2002–2003.
Þskj. 536 — 84. mál.
Svar
iðnaðarráðherra við fyrirspurn Kolbrúnar Halldórsdóttur um þátttöku ríkissjóðs í kostnaði við undirbúning álvers í Reyðarfirði.
1. Hver er heildarkostnaður ríkissjóðs við undirbúning álvers í Reyðarfirði, sundurliðað eftir árum, og af hvaða fjárlagaliðum hafa þeir fjármunir komið?
Kostnaður ríkissjóðs hefur verið greiddur af fjárveitingum Fjárfestingarstofunnar – orkusviðs og iðnaðarráðuneytis. Frá árinu 1997 hefur kostnaðurinn verið sem hér segir en tekið skal fram að niðurstöður rannsókna frá fyrri árum hafa einnig komið að notum.
| Kr. | |
| 1997 | 9.299.314 |
| 1998 | 23.398.123 |
| 1999 | 52.010.774 |
| 2000 | 30.421.752 |
| 2001 | 48.572.314 |
| 2002 | 36.072.065 |
| Samtals | 199.774.342 |
Í þessum tölum er einnig innifalinn útlagður kostnaður sem fæst endurgreiddur ef til framkvæmda kemur.
2. Hver hefur þátttaka Norsk Hydro/Hydro Aluminium verið í þessum kostnaði?
Hlutdeild Fjárfestingarstofunnar – orkusviðs í sameiginlegum kostaði sem endurgreiða átti samkvæmt samningi við Reyðarál hf. ef til framkvæmda kæmi er 112,6 millj. kr. Eins og kunnugt er hætti Norsk Hydro/Hydro Aluminium við byggingu álversins. Í tengslum við samninga um kaup Alcoa Inc. á Reyðaráli var samið um að Alcoa greiddi Fjárfestingarstofunni – orkusviði 600.000 USD eða tæplega 52 millj. kr.
3. Hvert hefur verið hlutverk STAR, samstarfsnefndar um staðarvalsathuganir iðnaðarsvæða á Reyðarfirði, í þessum undirbúningi og hverjar voru árlegar heildargreiðslur til nefndarinnar á tímabilinu 1997–2002?
Hlutverk STAR – samstarfsnefndar um staðarvalsathuganir iðnaðarsvæða í Reyðarfirði, sem sett var á stofn 1. september 1998, er að vera rammi utan um samstarf sameinaðs sveitarfélags Eskifjarðar, Neskaupstaðar og Reyðarfjarðar, Orku- og stóriðjunefndar sveitarfélaga á Austurlandi (OSSA-SSA) og Fjárfestingarstofunnar – orkusviðs, sem miðar að því að koma á fót orkufrekum iðnaði í Reyðarfirði. Nefndin tók við verkefnum sameiginlegrar nefndar Fjárfestingarstofunnar – orkusviðs og Orku- og stóriðjunefndar sveitarfélaga á Austurlandi sem stofnað var til 10. október 1997. Árið 2000 var nefndin stækkuð með tilnefningu fulltrúa norðan og sunnan Fjarðabyggðar. STAR hefur sinnt hlutverki sínu með ýmsum hætti, m.a. ráðstefnu- og námskeiðshaldi, miðlun upplýsinga til fjárfesta og sveitarfélaga, atvinnufyrirtækja og íbúa á Austurlandi, skipulagningu kynnisferða og móttöku fulltrúa erlendra fjárfesta, aðstoð við FAG-hóp atvinnulífsins á Austurlandi, aðstoð við samfélagsathuganir o.fl.
STAR hefur ekki haft sjálfstæðan fjárhag, en starfsmaður á Reyðarfirði hefur verið í hlutastarfi kostaður af Fjárfestingarstofunni – orkusviði.
Aðilar að STAR hafa borið kostnað af framlagi til starfsins hver fyrir sig. Heildargreiðslur Fjárfestingarstofunnar – orkusviðs vegna verkefna í nafni eða á verksviði STAR á árunum 1997 til 1. nóvember 2002 hafa numið samtals 29.415.035 kr.
4. Hvaða hlutverki hefur eignarhaldsfélagið Hraun ehf. gegnt við undirbúning álvers í Reyðarfirði og er það enn starfandi? Hvaða greiðslur hafa runnið til félagsins úr ríkissjóði vegna undirbúnings álvers í Reyðarfirði, sundurliðað eftir árum?
Eignarhaldsfélagið Hraun ehf. var stofnað 12. júlí 1999 í þeim tilgangi að kanna og vinna að undirbúningi að stofnun álvers í Reyðarfirði og annarri atvinnustarfsemi í Fjarðabyggð. Stofnandi félagsins er sveitarfélagið Fjarðabyggð sem á allt hlutafé þess. Félagið starfaði sem framkvæmdaraðili við undirbúning á framkvæmdum vegna álvers í Reyðarfirði. Sem slíkur lét félagið fara fram frummat á umhverfisáhrifum álversins. Kostnaður við matið var alfarið greiddur af Fjárfestingarstofunni – orkusviði og Hydro Aluminium. Félagið er enn starfandi, en hefur framselt réttindi sín vegna frummats á umhverfisáhrifum til Fjárfestingarstofunnar – orkusviðs. Félagið hefur ekki fengið neinar greiðslur úr ríkissjóði.
