[prenta uppsett í dálka] 73. fundur, 130. lþ.
Sjávarútvegsráðherra (Árni M. Mathiesen):
Herra forseti. Eins og kom fram áðan höfum við viðurkennt að norsk stjórnvöld séu til þess bær að halda uppi eftirliti á þessu svæði svo fremi sem það sé byggt á grundvelli Svalbarðasáttmálans og gætt sé jafnræðis á milli þeirra aðila sem þar eru. Ef atvikið hefði átt sér stað innan íslenskrar lögsögu hefðu að sjálfsögðu íslensk stjórnvöld fjallað um málið og jafnframt ef atvikið hefði verið á alþjóðasvæðinu.
Ég á erfitt með að sjá hvernig tvenn stjórnvöld í tveimur löndum geti fjallað um sama málið. Hafi málið verið afgreitt af norskum stjórnvöldum á þessum stað og á þessum tíma, er mjög torvelt að taka það upp af íslenskum stjórnvöldum eftir þann tíma sem liðinn er.
