Össur Skarphéðinsson:
Hæstv. forseti. Frumvarpið sem hér er lagt fram felur í sér breytingar á 1. og 3. gr. sem mér finnast ákaflega skynsamlegar og tel ekki að muni leiða til nokkurs ágreinings. En mig langar í tilefni af 2. gr. að spyrja hæstv. ráðherra hvort það séu mörg tilefni fyrir hendi sem gera það að verkum að nauðsynlegt er að hnykkja sérstaklega á skyldu lögreglunnar með þessum hætti í lögum.