Menntamálaráðherra (Þorgerður K. Gunnarsdóttir):
Herra forseti. Ég kem aftur í ræðustól til að ítreka það sem ég sagði áðan. Verksvið þessa starfshóps er mjög skýrt og klárt, þ.e. þeirra innan starfshópsins sem taka þátt í að ákveða nákvæmlega hvernig leggja skuli línurnar. Umboðið er víðtækt en í samræmi við þau markmið og það verksvið sem starfshópnum er ætlað að fara yfir.