Drífa Hjartardóttir:
Virðulegur forseti. Ég þakka hæstv. ráðherra fyrir þau svör sem hún gaf áðan. Það er verið að gera ýmislegt í byggðamálum. Ég á sæti í stjórn Byggðastofnunar sem styrkir ýmis ágætis verkefni um allt land. Við væntum náttúrlega mikils af þeirri byggðaáætlun sem núna er unnið að. Ríkisstjórnin hefur lagt mjög mikla fjármuni til byggðanna í landinu. Ég vil taka undir með hv. þm. Hjálmari Árnasyni, að það sem mestu máli skiptir er að atvinnulífið fái að blómstra í þessu landi.