[prenta uppsett í dálka] 105. fundur, 130. lþ.
Helgi Hjörvar (andsvar):
Virðulegur forseti. Aldrei í Íslandssögunni hefur meiri gróska og fjölbreytni verið í fjölmiðlun á Íslandi. Um það hefur hæstv. félmrh. ekkert dæmi getað nefnt. Hæstv. félmrh. gat ekki bent á neitt málsvæði í víðri veröld af okkar stærðargráðu nokkru sinni í mannkynssögunni þar sem fjölmiðlun væri fjölbreyttari eða gróskumeiri. Og það er einmitt mergurinn málsins. Þessi málatilbúnaður stendur ekki á neinu.
Fjölbreytni í eignarhaldi segir hæstv. ráðherra. Hvað er það sem hefur tryggt okkur þessa fjölbreytni? Það er að markaðsráðandi aðilar m.a. hafa treyst sér til að fjárfesta í þessum iðnaði og í þessari atvinnugrein og það verulega og vegna þeirrar fjárfestingar er fjölbreytni meiri en ætla mætti um 300 þúsund manna málsvæði hvar í heiminum sem er. Og ef menn nú ætla að kippa þeirri fjármögnun (Forseti hringir.) undan fjölmiðlunum með því að banna markaðsráðandi fyrirtækjum að leggja fé í starfsgreinina er augljóst, hæstv. forseti, að það mun bitna á (Forseti hringir.) fjölbreytileika enda er það markmið ríkisstjórnarinnar.
(Forseti (ÞBack): Ég bið hv. þingmenn að virða tímamörk.)
