Þuríður Backman:
Herra forseti. Hér voru greidd atkvæði um að taka út úr 10. gr. ákvæði um að almannatryggingar megi taka þátt í greiðslu fyrir lyf með sambærileg meðferðaráhrif. Við í Vinstri hreyfingunni -- grænu framboði greiddum því atkvæði að þetta færi út úr greininni og yrði geymt þar til við heildarendurskoðun laganna. Nú er ákvæði um þetta í reglugerð og mjög mikil áhöld eru um að lagaákvæðið hefði skilað þeirri lækkun á lyfjaverði sem eftir er leitað.