[prenta uppsett í dálka] 128. fundur, 130. lþ.
Frsm. samgn. (Guðmundur Hallvarðsson) (andsvar):
Frú forseti. Það er eðlilegt að hér dragi hv. þingmaður upp áhyggjur sínar vegna þessa máls. Ég sé samt ekki þá hættu sem í þessu liggur. Ég hef trú á því að hinir ágætu starfsmenn Vegagerðarinnar muni vinna þetta verk sitt af kostgæfni eins og þeim ávallt liggur svo létt í verki, hér eftir sem hingað til. Ég vil endilega að þetta mál nái fram að ganga og við sjáum þá til þegar fram líða stundir hvort einhverjir vankantar séu á þessari framkvæmd. Þá er minnsta mál að endurskoða lögin.
