Jón Gunnarsson (andsvar):
Herra forseti. Ég held að það sem þurfi til varðandi þessa till. til þál. sé að gera grein fyrir því í grg. með skýrum hætti hvað átt er við með ,,höfuðborgarsvæði``. Ég get ekki lesið annað út úr meðfylgjandi grg., þar sem t.d. er minnst á Vestmannaeyjar og Sandgerði, en að Sandgerði sé utan höfuðborgarsvæðis. Ég tel að ef við á annað borð ætlum, eins og ég sagði hér áðan, að fara að skoða það í alvöru hvort grundvöllur sé fyrir því að setja á laggirnar sædýrasafn eigum við að skoða það á landinu öllu til að byrja með og vinna síðan framhaldið í ljósi þeirra tillagna sem þá koma fram.