[prenta uppsett í dálka] 42. fundur, 130. lþ.
Samgönguráðherra (Sturla Böðvarsson) (andsvar):
Virðulegur forseti. Varðandi þennan hluta af svokölluðum orku- og iðjuvegum þarna í Eskifirði og Reyðarfirði þá er væntanlega ekki um frestun að ræða þar vegna þess að undirbúningi sé ekki lokið heldur vegna þess að við teljum að þar standi þannig á að ekki komi að sök að þar sé hægt á sem nemur þeirri lágu upphæð sem þar er um að ræða.
Ég minni á að í þessu umhverfi þarna er verið að vinna við jarðgöng. Fjárveitingar þar eru á þessu og næsta ári tæpir 3 milljarðar. Það sér því ekki á þó að nokkrar þúsundkrónuupphæðir séu færðar niður þarna því að framkvæmdir á þessu svæði eru svo miklar að það ætti ekki að trufla þingmenn þó að teknar séu niður einhverjar 40--50 millj.
