[prenta uppsett í dálka] 48. fundur, 130. lþ.
Sigurjón Þórðarson (andsvar):
Herra forseti. Við fengum bréf sent frá Öryrkjabandalaginu. Það stefnir í enn ein málaferlin ef að líkum lætur.
Í þessu bréfi segir, með leyfi forseta:
,,Aðalstjórn Öryrkjabandalagsins felur framkvæmdastjórn bandalagsins að fara þess á leit við Ragnar Aðalsteinsson hæstaréttarlögmann að hann vinni greinargerð um lagalega stöðu þess samkomulags sem ríkisstjórn Íslands gerði við Öryrkjabandalagið þann 25. mars.``
Ég get ekki séð annað en að það stefni í annað öryrkjamál. Þess vegna vil ég spyrja hv. þm.: Ef ríkisstjórnin tapar nú þessu máli líka, mun ríkisstjórnin taka ábyrgð á málinu, pólitíska ábyrgð? Er þá ekki rétt að hæstv. heilbrrh. taki pólitíska ábyrgð á málinu og segi af sér í kjölfarið ef hann tapar nú þessu máli?
