Guðjón Ólafur Jónsson (andsvar):
Hæstv. forseti. Það er í sjálfu sér ágætt að hv. þm. hafi skýra afstöðu til frv. Nú situr hv. þm. á Alþingi í forföllum formanns síns, hv. þm. Steingríms J. Sigfússonar, sem er í felum norður í Þistilfirði. Í frv. þessu er lagt til, eins og hv. þm. Steingrímur J. Sigfússon hefur lengi barist fyrir, að formenn stjórnmálaflokkanna á þingi fái sérstakt launaálag ef þeir eru ekki jafnframt ráðherrar. Nú spyr ég hv. þm.: Er hann á móti þessari kauphækkun til formanns síns?