Aðrar útgáfur af skjalinu: PDF - Word Perfect. Ferill 589. máls.
135. löggjafarþing 2007–2008.
Þskj. 1240 — 589. mál.
heilbrigðisráðherra við fyrirspurn Jóns Gunnarssonar um hjúkrunarrými.
1. Hve mörg hjúkrunarrými eru á hverja þúsund íbúa í þeim sveitarfélögum þar sem íbúar eru 4.000 eða fleiri og hvert er landsmeðaltalið?
Fimmtán sveitarfélög ná þessari stærð og af þeim eru sex á höfuðborgarsvæðinu.
Í Reykjavík eru um 1.076 hjúkrunarrými og dreifast þau á 10 stofnanir. Framboð rýma á hverja 1.000 íbúa í Reykjavík er 9,1 rými en þess ber að geta að Seltjarnarnes og Mosfellsbær, sem hvorugt hefur hjúkrunarheimili, hafa m.a. notið þjónustu frá stofnunum í Reykjavík. Ef tillit er tekið til þessa eru 8,2 rými á hverja 1.000 íbúa í þessum þremur sveitarfélögum.
Í Kópavogi eru 2,9 rými á hverja 1.000 íbúa, í Garðabæ eru rýmin 9,1 og í Hafnarfirði eru þau 8,9. Fyrir höfuðborgarsvæðið allt eru 7,6 rými á hverja 1.000 íbúa.
Hjúkrunarrými í Reykjanesbæ eru 24, eða 1,8 rými á hverja 1.000 íbúa og það er lægsta hlutfallið í þessum sveitarfélögum, að frátöldum Mosfellsbæ og Seltjarnarnesi sem ekki hafa hjúkrunarrými eins og áður kom fram.
Á Akranesi eru 11,7 hjúkrunarrými á hverja 1.000 íbúa, á Ísafirði 7,8 rými og á Sauðárkróki 14,2 en það er hæsta hlutfall rýma hjá þessum sveitarfélögum.
Á Akureyri eru í boði 197 hjúkrunarrými en það þýðir að um 11,4 rými eru á hverja 1.000 íbúa. Á Fljótdalshéraði eru þau 4,4 og í Fjarðabyggð 7,8.
Í Sveitarfélaginu Árborg eru nú í boði 71 hjúkrunarrými og fjölgaði þeim um 10 á síðasta ári. Hjúkrunarrými á hverja 1.000 íbúa í Árborg eru 9,9 að tölu og í Vestmannaeyjum eru 11,6 rými á hverja 1.000 íbúa.
Í fyrrgreindum sveitarfélögum eru samtals 2.015 hjúkrunarrými sem eru rúm 78% af öllum hjúkrunarrýmum á landinu og eru 7,8 rými á hverja 1.000 íbúa.
Á landsvísu eru hjúkrunarrými 2.566 sem þýðir að hjúkrunarrými á hverja 1.000 íbúa eru 8,2 talsins.
2. Hve margir á biðlista eftir hjúkrunarrýmum eru annars vegar í brýnni þörf og hins vegar í mjög brýnni þörf, skipt eftir kjördæmum og eftir sveitarfélögum á höfuðborgarsvæðinu?
Á höfuðborgarsvæðinu eru samtals 367 einstaklingar á biðlista eftir hjúkrunarrými. Af þeim eru 236 á biðlista í Reykjavík en 93 þeirra eru í brýnni þörf og 126 í mjög brýnni þörf.
Hjá öðrum sveitarfélögum á höfuðborgarsvæðinu er skiptingin eftirfarandi:
Í Kópavogi eru 53 á biðlista, þar af eru 25 í brýnni þörf og í mjög brýnni þörf 26.
Í Hafnarfirði er 41 á biðlista, þar af eru 15 í brýnni þörf og í mjög brýnni þörf 25.
Í Garðabæ eru 15 á biðlista, þar af 8 í brýnni þörf og í mjög brýnni þörf 4.
Í Mosfellsbæ eru 7 á biðlista, þar af 2 í brýnni þörf og aðrir 2 í mjög brýnni þörf.
Á Seltjarnarnesi eru 9 á biðlista, þar af í brýnni þörf 7 og einn í mjög brýnni þörf.
Til viðbótar eru hjá Vistunarmatsnefnd höfuðborgarsvæðis 15 einstaklingar á biðlista, af þeim eru 4 í brýnni þörf en 10 í mjög brýnni þörf.
Í Suðurkjördæmi eru 91 einstaklingur á biðlista eftir hjúkrunarrými, þar af eru 28 í brýnni þörf og 55 í mjög brýnni þörf.
Í Norðvesturkjördæmi eru 34 einstaklingar á biðlista, þar af eru 16 í brýnni þörf og 16 í mjög brýnni þörf.
Í Norðausturkjördæmi eru 47 einstaklingar á biðlista, þar af eru 16 í brýnni þörf og 22 í mjög brýnni þörf.
Á landinu öllu eru 548 einstaklingar á biðlista eftir vistun á hjúkrunarheimili. Samkvæmt vistunarnefndum eru um 214 einstaklingar í brýnni þörf og þeir sem taldir eru í mjög brýnni þörf á landinu öllu eru um 288 talsins.
Einnig má benda á að í nýjustu skýrslu OECD um Ísland er bent á að hérlendis séu rými í langtímavistun á sjúkrahúsum og hjúkrunarheimilum 69 á hverja 1.000 íbúa 65 ára og eldri, sem er með því mesta sem gerist innan OECD. Einnig er þar fjallað um kostnaðarþróun innan hjúkrunarheimilavistunar og fleira.
135. löggjafarþing 2007–2008.
Þskj. 1240 — 589. mál.
Svar
heilbrigðisráðherra við fyrirspurn Jóns Gunnarssonar um hjúkrunarrými.
1. Hve mörg hjúkrunarrými eru á hverja þúsund íbúa í þeim sveitarfélögum þar sem íbúar eru 4.000 eða fleiri og hvert er landsmeðaltalið?
Fimmtán sveitarfélög ná þessari stærð og af þeim eru sex á höfuðborgarsvæðinu.
Í Reykjavík eru um 1.076 hjúkrunarrými og dreifast þau á 10 stofnanir. Framboð rýma á hverja 1.000 íbúa í Reykjavík er 9,1 rými en þess ber að geta að Seltjarnarnes og Mosfellsbær, sem hvorugt hefur hjúkrunarheimili, hafa m.a. notið þjónustu frá stofnunum í Reykjavík. Ef tillit er tekið til þessa eru 8,2 rými á hverja 1.000 íbúa í þessum þremur sveitarfélögum.
Í Kópavogi eru 2,9 rými á hverja 1.000 íbúa, í Garðabæ eru rýmin 9,1 og í Hafnarfirði eru þau 8,9. Fyrir höfuðborgarsvæðið allt eru 7,6 rými á hverja 1.000 íbúa.
Hjúkrunarrými í Reykjanesbæ eru 24, eða 1,8 rými á hverja 1.000 íbúa og það er lægsta hlutfallið í þessum sveitarfélögum, að frátöldum Mosfellsbæ og Seltjarnarnesi sem ekki hafa hjúkrunarrými eins og áður kom fram.
Á Akranesi eru 11,7 hjúkrunarrými á hverja 1.000 íbúa, á Ísafirði 7,8 rými og á Sauðárkróki 14,2 en það er hæsta hlutfall rýma hjá þessum sveitarfélögum.
Á Akureyri eru í boði 197 hjúkrunarrými en það þýðir að um 11,4 rými eru á hverja 1.000 íbúa. Á Fljótdalshéraði eru þau 4,4 og í Fjarðabyggð 7,8.
Í Sveitarfélaginu Árborg eru nú í boði 71 hjúkrunarrými og fjölgaði þeim um 10 á síðasta ári. Hjúkrunarrými á hverja 1.000 íbúa í Árborg eru 9,9 að tölu og í Vestmannaeyjum eru 11,6 rými á hverja 1.000 íbúa.
Í fyrrgreindum sveitarfélögum eru samtals 2.015 hjúkrunarrými sem eru rúm 78% af öllum hjúkrunarrýmum á landinu og eru 7,8 rými á hverja 1.000 íbúa.
Á landsvísu eru hjúkrunarrými 2.566 sem þýðir að hjúkrunarrými á hverja 1.000 íbúa eru 8,2 talsins.
2. Hve margir á biðlista eftir hjúkrunarrýmum eru annars vegar í brýnni þörf og hins vegar í mjög brýnni þörf, skipt eftir kjördæmum og eftir sveitarfélögum á höfuðborgarsvæðinu?
Á höfuðborgarsvæðinu eru samtals 367 einstaklingar á biðlista eftir hjúkrunarrými. Af þeim eru 236 á biðlista í Reykjavík en 93 þeirra eru í brýnni þörf og 126 í mjög brýnni þörf.
Hjá öðrum sveitarfélögum á höfuðborgarsvæðinu er skiptingin eftirfarandi:
Í Kópavogi eru 53 á biðlista, þar af eru 25 í brýnni þörf og í mjög brýnni þörf 26.
Í Hafnarfirði er 41 á biðlista, þar af eru 15 í brýnni þörf og í mjög brýnni þörf 25.
Í Garðabæ eru 15 á biðlista, þar af 8 í brýnni þörf og í mjög brýnni þörf 4.
Í Mosfellsbæ eru 7 á biðlista, þar af 2 í brýnni þörf og aðrir 2 í mjög brýnni þörf.
Á Seltjarnarnesi eru 9 á biðlista, þar af í brýnni þörf 7 og einn í mjög brýnni þörf.
Til viðbótar eru hjá Vistunarmatsnefnd höfuðborgarsvæðis 15 einstaklingar á biðlista, af þeim eru 4 í brýnni þörf en 10 í mjög brýnni þörf.
Í Suðurkjördæmi eru 91 einstaklingur á biðlista eftir hjúkrunarrými, þar af eru 28 í brýnni þörf og 55 í mjög brýnni þörf.
Í Norðvesturkjördæmi eru 34 einstaklingar á biðlista, þar af eru 16 í brýnni þörf og 16 í mjög brýnni þörf.
Í Norðausturkjördæmi eru 47 einstaklingar á biðlista, þar af eru 16 í brýnni þörf og 22 í mjög brýnni þörf.
Á landinu öllu eru 548 einstaklingar á biðlista eftir vistun á hjúkrunarheimili. Samkvæmt vistunarnefndum eru um 214 einstaklingar í brýnni þörf og þeir sem taldir eru í mjög brýnni þörf á landinu öllu eru um 288 talsins.
Einnig má benda á að í nýjustu skýrslu OECD um Ísland er bent á að hérlendis séu rými í langtímavistun á sjúkrahúsum og hjúkrunarheimilum 69 á hverja 1.000 íbúa 65 ára og eldri, sem er með því mesta sem gerist innan OECD. Einnig er þar fjallað um kostnaðarþróun innan hjúkrunarheimilavistunar og fleira.