Ferill 273. máls. Aðrar útgáfur af skjalinu: PDF - Word Perfect.
144. löggjafarþing 2014–2015.
Þingskjal 323 — 273. mál.
Fyrirspurn
til fjármála- og efnahagsráðherra um greiðslur úr ríkissjóði til lækkunar höfuðstóls verðtryggðra fasteignalána eða fasteignaveðlána.
Frá Birni Val Gíslasyni.
1. Hversu hárri upphæð af þeim 80 milljörðum kr. sem greiða á úr ríkissjóði vegna lækkunar íbúðalána verður ráðstafað til að greiða:
a. fasteignaveðkröfur sem glatað hafa veðtryggingu sinni í kjölfar nauðungarsölu eða annarrar ráðstöfunar eignar eftir 1. janúar 2008 og ekki hafa verið felldar endanlega niður gagnvart umsækjanda, sbr. 1. mgr. 11. gr. laga nr. 35/2014,
b. greiðslujöfnunarreikning skuldara hjá fjármálastofnunum,
c. vanskil skuldara við fjármálastofnanir (sundurliðað eftir fjármálastofnunum),
d. dráttarvexti skuldara vegna vanskila á greiðslum (sundurliðað eftir lánastofnunum),
e. skuldir af öðrum ástæðum, sbr. 11. gr. laga nr. 35/2014?
2. Er ríkisábyrgð á greiðslujöfnunarreikningum skuldara hjá fjármálastofnunum?
Skriflegt svar óskast.