Ferill 708. máls. Aðrar útgáfur af skjalinu: PDF - Word Perfect.
144. löggjafarþing 2014–2015.
Þingskjal 1191 — 708. mál.
Fyrirspurn
til sjávarútvegs- og landbúnaðarráðherra um verðskerðingargjald af hrossakjöti.
Frá Össuri Skarphéðinssyni.
1. Hversu mikið hefur verið innheimt í verðskerðingargjald af hrossakjöti frá því að innheimta á því var hafin, skipt á ár og samtals?
2. Hversu stórum hluta gjaldsins hefur ár hvert verið varið til markaðsaðgerða innan lands og hversu miklum erlendis?
3. Hver hefur tekið ákvörðun um veitingu fjárins og í krafti hvaða laga og reglna?
4. Hefur einhverju fjárins verið varið í annað en beinar markaðsaðgerðir fyrir hrossakjöt?
Skriflegt svar óskast.
