Ferill 665. máls. Aðrar útgáfur af skjalinu: PDF - Word Perfect.
145. löggjafarþing 2015–2016.
Þingskjal 1705 — 665. mál.
2. umræða.
Breytingartillaga
við frumvarp til laga um opinber innkaup.
Frá fjárlaganefnd.
1. Í stað orðsins „eyðingu“ í 31. tölul. 2. gr. komi: förgun.
2. Á eftir 1. málsl. 2. mgr. 20. gr. komi fjórir nýir málsliðir, svohljóðandi: Með rökstuðningnum skal fylgja samkeppnismat í samræmi við leiðbeiningar Ríkiskaupa. Samkeppniseftirlitið skal veita álit sitt á matinu og taka þar með afstöðu til þess hvort útboðið sé til þess fallið að raska samkeppni á innlendum markaði. Álitið hefur ekki áhrif á útboðsferlið. Kaupandi getur lokið útboði óháð niðurstöðu Samkeppniseftirlitsins.
3. Í stað orðsins „áhrif“ í e-lið 1. mgr. 50. gr. komi: afgerandi áhrif.
4. Við 1. mgr. 105. gr. bætist nýr málsliður, svohljóðandi: Einnig hafa félög eða samtök fyrirtækja heimild til að skjóta málum til nefndarinnar, enda samræmist það tilgangi þeirra að gæta slíkra hagsmuna.