Ferill 124. máls. Aðrar útgáfur af skjalinu: PDF - Word Perfect.
146. löggjafarþing 2016–2017.
Þingskjal 183 — 124. mál.
Fyrirspurn
til utanríkisráðherra um rannsókn á fangaflugi bandarískra yfirvalda um Ísland.
Frá Þórhildi Sunnu Ævarsdóttur.
1. Fór fram ný rannsókn á því hvort Ísland hafi verið notað sem millilendingastaður fyrir fangaflug bandarískra yfirvalda á árunum 2001–2007 í kjölfar útkomu skýrslu Bandaríkjaþings um yfirheyrsluaðferðir bandarísku leyniþjónustunnar yfir grunuðum hryðjuverkamönnum, sbr. svör þáverandi forsætisráðherra í fyrirspurnartíma á Alþingi 12. desember 2014?
2. Var farið fram á aðgang að óritskoðaðri skýrslu Bandaríkjaþings um yfirheyrsluaðferðir bandarísku leyniþjónustunnar yfir grunuðum hryðjuverkamönnum, sbr. fréttatilkynningu á vef utanríkisráðuneytisins frá 12. desember 2014?
3. Hvaða upplýsingar fengust við fyrirspurnum ráðuneytisins og hvar má nálgast þær?
4. Fór fram nánari rannsókn á millilendingum mögulegra fangaflugvéla bandarískra yfirvalda í kjölfar fyrirspurna ráðuneytisins og ef svo var, hverjar voru niðurstöður hennar um aðkomu íslenskra yfirvalda og embættismanna að millilendingum fangaflugvéla á íslensku yfirráðasvæði?