Ferill 155. máls. Aðrar útgáfur af skjalinu: PDF - Word Perfect.
148. löggjafarþing 2017–2018.
Þingskjal 309 — 155. mál.
Svar
sjávarútvegs- og landbúnaðarráðherra við fyrirspurn frá Sigurði Páli Jónssyni um tekjur af VS-afla.
Fyrirspurnin hljóðar svo:
Hverjar voru tekjur ríkissjóðs af svonefndum VS-afla síðustu þrjú fiskveiðiár og hvernig var þeim tekjum ráðstafað til einstakra verkefna? Svar óskast sundurliðað eftir árum.
Tekjur af VS-afla síðastliðin þrjú ár eru eftirfarandi:
2015 | 2016 | 2017 | |
Tekjur af VS-afla, kr. | 394.964.061 | 339.437.489 | 198.151.275 |
Bókhald Verkefnasjóðs sjávarútvegsins er fært eftir almanaksárinu en ekki eftir fiskveiðiárinu. Tekjurnar eru gefnar upp í samræmi við bókhaldið og eru þær þar af leiðandi miðaðar við almanaksárið.
Verkefnasjóður sjávarútvegsins hefur tekjur af VS-afla og af álagningu vegna ólögmæts sjávarafla. Þessar tekjur eru nýttar til að veita styrki á hverju ári. Styrkir sem hafa verið veittir síðastliðin þrjú ár eru eftirfarandi:
Ár | Styrkþegi | Styrkfjárhæð, kr. | Verkefni |
2015 | Hafrannsóknastofnun | 390.000.000 | Ýmsar rannsóknir, kortlagning hafsbotnsins, ástand sjávar, kortlagning búsvæða í hafinu við Ísland, stofnmæling botnfiska á Íslandsmiðum (SMB), stofnmæling úthafsrækju á Íslandsmiðum, bergmálsmæling úthafskarfa-djúpkarfa. |
2015 | Veiðimálastofnun | 8.000.000 | Áframhaldandi rannsóknir á vistfræði og uppruna laxa í sjó. |
2015 | Matís ohf. | 30.000.000 | Vöruþróunarsetur. |
2015 | Hafrannsóknastofnun | 6.725.852 | Síldardauði í Kolgrafafirði. |
2016 | Hafrannsóknastofnun | 390.000.000 | Ýmsar rannsóknir, ástand sjávar, kortlagning búsvæða í hafinu við Ísland, stofnmæling botnfiska á Íslandsmiðum, stofnmæling rækju, flatfiskarall, neðansjávarmyndavél, ljós og búnaður, hrygning makríls. |
2016 | Matís ohf. | 30.000.000 | Vöruþróunarsetur. |
2016 | Matís ohf. | 5.000.000 | Dreifing VR-myndbanda um lífhagkerfið. |
2017 | Hafrannsóknastofnun | 420.000.000 | Ýmsar rannsóknir, vistfræði laxa í sjó, ástand sjávar, kortlagning búsvæða í hafinu við Ísland, stofnmæling botnfiska, stofnmæling rækju, stofnmæling á grunnslóð með áherslu á flatfiska, síldarrannsóknir, viðhald veiðarfæra. |
2017 | Matís ohf. | 30.000.000 | Vöruþróunarsetur. |
2017 | Fiskistofa | 10.000.000 | Rafvæðing afladagbókarskráninga smábáta. |