Ferill 358. máls. Aðrar útgáfur af skjalinu: PDF - Word Perfect.
148. löggjafarþing 2017–2018.
Þingskjal 1210 — 358. mál.
Svar
fjármála- og efnahagsráðherra við fyrirspurn frá Birni Leví Gunnarssyni um störf þingmanna á vegum framkvæmdarvaldsins.
1. Hvaða þingmenn hafa setið í nefndum, ráðum, framkvæmdahópum eða öðrum hópum á vegum ráðuneytisins ár hvert frá árinu 2006?
Á þeim tíma sem um er spurt hafa orðið umfangsmiklar breytingar á verkefnum ráðuneytisins. Af þeim fjölmörgu nefndum sem starfað hafa að verkefnum sem nú eru á ábyrgðarsviði ráðherra eru einungis örfáar þar sem þingmenn hafa verið skipaðir. Hér fyrir neðan er listi yfir alþingismenn sem skipaðir hafa verið af ráðherra og hvers eðlis þær skipanir eru. Sumar þessara nefnda eru verkefnahópar, aðrar starfa samkvæmt lögum.
| Heiti nefndar/verkefnis, þingmaður | Upphaf nefndarvinnu | Launuð nefnd | Afurð |
| Samráðsnefnd um afnám hafta | 2014 | Nei | Greinargerð |
| Árni Páll Árnason | |||
| Ásta Guðrún Helgadóttir | |||
| Bjarkey Olsen Gunnarsdóttir | |||
| Frosti Sigurjónsson | |||
| Helgi Hrafn Gunnarsson | |||
| Guðmundur Steingrímsson | |||
| Katrín Júlíusdóttir | |||
| Jón Þór Ólafsson | |||
| Steingrímur J. Sigfússon | |||
| Vilhjálmur Bjarnason | |||
| Starfshópur um endurskoðun á sköttum og tekjuöflun ríkisins | 2010 | Nei | Áfangaskýrsla |
| Helgi Hjörvar | |||
| Nefnd um mótun heildstæðrar stefnu um framtíðarfyrirkomulag skattlagningar í sjávarútvegi | 2011 | Nei | Álitsgerð: Skattlagning í sjávarútvegi |
| Helgi Hjörvar | |||
| Samráðsnefnd um breytingar og umbætur á skattkerfinu | 2010 | Nei | Áfangaskýrsla |
| Lilja Mósesdóttir | |||
| Þórunn Sveinbjarnardóttir | |||
| Árni Þór Sigurðsson | |||
| Siv Friðleifsdóttir | |||
| Ragnheiður Elín Árnadóttir | |||
| Birgitta Jónsdóttir | |||
| Starfshópur um launamun á opinberum vinnumarkaði | 2007 | Já | |
| Steinunn Valdís Óskarsdóttir | |||
| Viðræðunefnd við lífeyrissjóði um fjármögnun framkvæmda | 2009 | Nei | |
| Skúli Helgason | |||
| Fastanefnd á sviði verðbréfaviðskipta og -sjóða | 2013 | Nei | Fastanefnd |
| Vilhjálmur Bjarnason | |||
| Nefnd um endurskoðun eða afnám laga nr. 94/1986 um kjarasamninga opinberra starfsmanna | 2003 og 2012 | Nei | |
| Ögmundur Jónasson | |||
| Samstarfsnefnd um opinberar framkvæmdir | Nei | Fastanefnd | |
| Einar Oddur Kristjánsson | 2004 | ||
| Gunnar Svavarsson | 2007 | ||
| Haraldur Benediktsson | 2013 | ||
| Guðlaugur Þór Þórðarson | 2014 | ||
| Stjórn Fasteignamats ríkisins | 2007 | Já | Fastanefnd |
| Kristján Þór Júlíusson |
2. Hverjar þessara nefnda voru launaðar og hver voru árleg laun hvers þingmanns?
Almenna reglan er sú að alþingismenn þiggja ekki greiðslur fyrir störf sín í nefndum á vegum Stjórnarráðsins, enda gert ráð fyrir að nefndarsetan tengist starfi þeirra. Samstarfsnefnd um opinberar framkvæmdir var launuð á tímabilinu 2006–2009. Frá árinu 2009 hafa ekki verið greidd laun fyrir setu í þeirri nefnd.
Hér á eftir er listi yfir greiðslur til fyrrgreindra þingmanna eftir árum og verkefnum.
| Þingmaður | Heiti nefndar | 2006 | 2007 | 2008 | 2009 |
| Ólöf Nordal | Starfshópur um launamun á opinberum vinnumarkaði | 93.744 | |||
| Kristján Þór Júlíusson | Stjórn Fasteignamats ríkisins | 212.940 | 389.560 | 133.920 | |
| Steinunn Valdís Óskarsdóttir | Starfshópur um launamun á opinberum vinnumarkaði | 58.590 | |||
| Einar Oddur Kristjánsson | Samstarfsnefnd um opinberar framkvæmdir | 591.568 | 149.060 | ||
| Gunnar Svavarsson | Samstarfsnefnd um opinberar framkvæmdir | 212.940 | 389.560 | 133.920 |
3. Hvað má ætla að þingmenn hafi lagt mikla vinnu í tímum talið í störf fyrir nefndina ár hvert?
Ráðuneytið hefur engar upplýsingar um þetta efni.
4. Hafa þingmenn fengið laun fyrir aðra vinnu á vegum ráðuneytisins? Ef svo er, fyrir hvað og hvenær?
Nei.
5. Hafa þingmenn unnið ólaunaða vinnu við verkefni eða nefndastörf á vegum ráðuneytisins frá árinu 2006, og ef svo er, hvaða?
Þær nefndir sem taldar eru upp í 1. lið voru allar ólaunaðar utan þær sem taldar eru upp í 2. lið.
6. Hafa þingmenn fengið laun sem verktakar frá ráðuneytinu frá árinu 2006 og ef svo er, fyrir hvaða verkefni og hver var fjárhæð umbunar fyrir það?
Nei.
7. Hvaða „afurð“ skilaði hver nefnd sem þingmaður átti sæti í af sér í lok starfstíma nefndarinnar og hvert var henni skilað?
Þær nefndir sem þingmenn hafa setið í eru mismunandi og í töflu 1 hér að framan er greint frá helstu niðurstöðum.
8. Hvaða reglur hefur ráðuneytið sett um setu þingmanna í nefndum á vegum ráðuneytisins?
Engar reglur hafa verið settar í ráðuneytinu um setu þingmanna í nefndum á vegum þess.
