Ferill 924. máls. Aðrar útgáfur af skjalinu: PDF - Word Perfect.
149. löggjafarþing 2018–2019.
Þingskjal 1715 — 924. mál.
Svar
fjármála- og efnahagsráðherra við fyrirspurn frá Þorsteini Sæmundssyni um krónueignir.
Við vinnslu svarsins var byggt á upplýsingum frá Seðlabanka Íslands. Á grundvelli lögboðins hlutverks síns um eftirlit með lögum nr. 37/2016, um krónueignir sem háðar eru sérstökum takmörkunum, safnar Seðlabankinn upplýsingum um stöður aflandskrónueigna á hverjum tíma
1. Hversu mikið af þeim krónueignum sem leystar voru úr höftum með lögum nr. 14/2019 hafa horfið úr íslensku hagkerfi frá gildistöku laganna til dagsins í dag?
Hinn 4. mars sl., daginn fyrir gildistöku laga nr. 14/2019, var umfang aflandskrónueigna sem hér segir, eftir eignaflokkum:
Flokkur aflandskrónueigna | Markaðsverð (ma.kr.) |
Innlán og innstæðubréf Seðlabankans | 59,7 |
Ríkisskuldabréf, ríkisvíxlar og önnur bréf með ríkisábyrgð | 15,1 |
Önnur verðbréf og hlutdeildarskírteini | 8,4 |
Samtals | 83,2 |
Í lok dags hinn 23. maí hafði heildarumfang aflandskrónueigna minnkað um sem nemur u.þ.b. 14,7 ma.kr., en þá var umfang þeirra eftirfarandi, eftir eignaflokkum:
Flokkur aflandskrónueigna | Markaðsverð (ma.kr.) |
Innlán og innstæðubréf Seðlabankans | 49,8 |
Ríkisskuldabréf, ríkisvíxlar og önnur bréf með ríkisábyrgð | 13,4 |
Þar af ríkisskuldabréf | 9,1 |
Þar af önnur bréf með ríkisábyrgð | 4,3 |
Önnur verðbréf og hlutdeildarskírteini | 5,4 |
Þar af hlutabréf | 3,1 |
Þar af aðrar eignir | 2,3 |
Samtals | 68,5 |
2. Hversu mikið af fyrrgreindum krónueignum eru enn til staðar í íslensku hagkerfi:
a. í ríkisskuldabréfum,
b. í hlutabréfum,
c. í öðrum eignum (hverjum)?
Vísað er til svars við 1. tölul.
Flokkurinn „Önnur verðbréf og hlutdeildarskírteini“ skiptist í hlutabréf og aðrar eignir. Til annarra eigna teljast t.d. hlutdeildarskírteini sjóða, skuldabréf útgefin af einkaaðilum, og hvers kyns aðrir skuldagerningar sem falla undir e- og f-lið 1. tölul. 2. gr. laganna.