Ferill 297. máls. Aðrar útgáfur af skjalinu: PDF - Word Perfect.
150. löggjafarþing 2019–2020.
Þingskjal 335 — 297. mál.
Fyrirspurn
til samgöngu- og sveitarstjórnarráðherra um veggjöld í jarðgöngum.
Frá Örnu Láru Jónsdóttur.
1. Hvernig á að útfæra gjaldtöku af umferð um jarðgöng sem kynnt er í drögum að samgönguáætlun fyrir árin 2020–2034?
2. Stendur til að innheimta veggjöld af umferð um jarðgöng:
a. þar sem þau eru eini valkosturinn á milli staða eins og á t.d. við um Bolungarvíkurgöng,
b. sem uppfylla ekki almennar kröfur um umferðaröryggi og eru t.d. einbreið eins og á við í Múlagöngum, Strákagöngum og Vestfjarðagöngum,
c. sem tengja hverfi innan sama sveitarfélags eins og á við um Héðinsfjarðargöng, Vestfjarðagöng, Norðfjarðargöng og Fáskrúðsfjarðargöng?
Skriflegt svar óskast.