Ferill 420. máls. Aðrar útgáfur af skjalinu: PDF - Word Perfect.
151. löggjafarþing 2020–2021.
Þingskjal 629 — 420. mál.
Fyrirspurn
til mennta- og menningarmálaráðherra um kynjahlutföll á skólaskrifstofum og við námsgagnagerð.
Frá Ólafi Ísleifssyni.
1. Hver eru kynjahlutföll á skólaskrifstofum sveitarfélaga þar sem sérfræðiþjónustu við grunnskóla er sinnt (sálfræðingar, uppeldisfræðingar, félagsráðgjafar og sérkennarar)?
2. Hver eru kynjahlutföll við námsgagnagerð, prófasamningu og stefnumörkun á vegum Menntamálastofnunar?
3. Eru í gildi jafnréttisáætlanir á þessum sviðum? Hefur ráðherra áform um að setja slíkar áætlanir þar sem þær kynni að vanta?
Skriflegt svar óskast.