Ferill 233. máls. Aðrar útgáfur af skjalinu: PDF - Word Perfect.
153. löggjafarþing 2022–2023.
Prentað upp.
Þingskjal 424 — 233. mál.
Viðbót.
Svar
innviðaráðherra við fyrirspurn frá Birni Leví Gunnarssyni um ferðakostnað og dagpeninga ráðherra.
Rétt er að taka fram að innviðaráðherra var ráðherra norrænna samstarfsmála á árunum 2017–2021. Ferðakostnaður ráðherra á því tímabili var að hluta greiddur af utanríkisráðuneytinu. Þær upplýsingar sem hér birtast eiga eingöngu við um ferðalög á vegum innviðaráðuneytisins (áður samgöngu- og sveitarstjórnarráðuneytisins).
1. Hver er frá og með árinu 2018 árlegur fjöldi ferða ráðherra til útlanda vegna starfa á vegum ráðuneytis?
Fjöldi ferða í eftirfarandi töflu nær fram til 14. október 2022.
| 2022 | 2021 | 2020 | 2019 | 2018 | |
| Fjöldi ferða | 3 | 0 | 1 | 5 | 4 |
2. Hve háar voru árlegar greiðslur dagpeninga vegna þessara ferða?
| 2022 | 2021 | 2020 | 2019 | 2018 | |
| Dagpeningar | 102.402 | 0 | 45.941 | 272.389 | 161.605 |
3. Hversu oft á hverju ári fékk ráðherra 1/3 hluta dagpeninga og hve oft 2/3 hluta?
| 2022 | 2021 | 2020 | 2019 | 2018 | |
| Daghluti (u.þ.b. 1/3) | 3 | ||||
| 2/3 dagpeningar | 1 | 5 | 4 |
4. Hverjar voru árlegar fjárhæðir vegna hótelgistingar ráðherra annars vegar og hins vegar annars ferðakostnaðar?
| 2022 | 2021 | 2020 | 2019 | 2018 | |
| Hótelgisting | 200.534 | 145.332 | 140.653 | ||
| Fargjöld | 509.479 | 62.145 | 682.284 | 502.310 | |
| Annar kostnaður | 88.362 | 73.222 | 247.278 | 30.123 |
5. Í hversu mörgum tilfellum hvert þessara ára var ráðherra ekið út á flugvöll í bifreiðum ráðuneytis og í hve mörgum tilfellum endurgreiddi ráðherra þann hluta dagpeninga sem ætlaður er til að standa undir þeim hluta ferðakostnaðarins?
Ráðherrabílstjóri ekur ráðherra í erindagjörðum vegna starfa sinna í samræmi við reglugerð um bifreiðamál ríkisins. Reglur um ferðakostnað og önnur starfskjör ráðherra kveða á um greiðslur vegna ferðalaga.
6. Hversu oft og hve háar voru árlegar endurgreiðslur ráðherra vegna styrkja og hvers konar hlunninda sem ráðherra naut erlendis og eiga samkvæmt reglum ferðakostnaðarnefndar að koma til frádráttar almennum dagpeningagreiðslum?
Ekki var um að ræða endurgreiðslur af því tagi sem spurningin vísar til.
7. Ef við á, hvenær komst hefð á að leggja sérstakt mat á umfang hlunninda í ferðum ráðherra?
Ráðuneytið hefur ekki litið svo á að ferðir ráðherra á erlendri grundu feli í sér sérstök hlunnindi.
8. Ef við á, til hvaða aðgerða hefur verið gripið vegna ofgreiddra dagpeninga áður en farið var að leggja sérstakt mat á umfang hlunninda samkvæmt reglum um ferðakostnað og dagpeninga?
Sjá svar við 7. lið.
