Ferill 551. máls. Aðrar útgáfur af skjalinu: PDF - Word Perfect.
153. löggjafarþing 2022–2023.
Þingskjal 733 — 551. mál.
Fyrirspurn
til innviðaráðherra um skólaakstur og malarvegi.
Frá Teiti Birni Einarssyni.
1. Hve margir grunnskólanemendur nýta sér skólaakstur og hvernig skiptast þeir á milli sveitarfélaga? Hefur þeim fjölgað eða fækkað síðan ráðherra svaraði fyrirspurn um þetta efni á 149. löggjafarþingi (123. mál)?
2. Hver er heildarkílómetrafjöldi daglegs skólaaksturs innan hvers sveitarfélags, hve stór hluti hans fer um malarvegi og hver er fjöldi einbreiðra brúa á akstursleið skólabifreiða í hverju sveitarfélagi? Hvaða breyting hefur orðið á síðan ráðherra svaraði fyrrgreindri fyrirspurn á 149. löggjafarþingi?
3. Hefur umferðaröryggi og ástand malarvega batnað frá því að ráðherra svaraði fyrrgreindri fyrirspurn á 149. löggjafarþingi og ef svo er, að hvaða marki? Hafa t.d. malarvegir styst í kílómetrum talið eða þeim fækkað?
Skriflegt svar óskast.
