Ferill 862. máls. Aðrar útgáfur af skjalinu: PDF - Word Perfect.
153. löggjafarþing 2022–2023.
Þingskjal 1552 — 862. mál.
Svar
heilbrigðisráðherra við fyrirspurn frá Hildi Sverrisdóttur um tæknifrjóvganir og ófrjósemisaðgerðir.
1. Hvað tóku Sjúkratryggingar Íslands þátt í kostnaði við margar tæknifrjóvganir sem falla undir 3. gr. reglugerðar nr. 1239/2018 á árunum 2019–2022? Svar óskast sundurliðað eftir árum og endurgreiðsluhlutfalli Sjúkratrygginga.
| Tæknifrjóvgun Sundurliðaður fjöldi |
2019 | 2020 | 2021 | 2022 | Alls | Endurgreiðsluhlutfall |
| Glasafrjóvgun (ICSI/IVF) Fyrsta meðferð |
199 | 233 | 314 | 280 | 1.026 | 5% |
| Glasafrjóvgun (ICSI/IVF) Önnur til fjórða meðferð |
174 | 221 | 264 | 289 | 948 | 65% |
| Glasafrjóvgun (ICSI/IVF) Fyrsta meðferð eftir lyfjameðferð |
4 | 3 | 0 | 2 | 9 | 65% |
| Alls | 377 | 457 | 578 | 571 | 1983 |
2. Hver var kostnaður hins opinbera við tæknifrjóvganir sem falla undir 3. gr. reglugerðar nr. 1239/2018 á árunum 2019–2022? Svar óskast sundurliðað eftir árum.
| Tæknifrjóvgun Kostnaður Sjúkratrygginga |
2019 | 2020 | 2021 | 2022 | Alls |
| Glasafrjóvgun (ICSI/IVF) Fyrsta meðferð |
4.776.000 | 5.592.000 | 7.536.000 | 6.720.000 | 24.624.000 |
| Glasafrjóvgun (ICSI/IVF) Önnur til fjórða meðferð |
45.900.144 | 68.952.000 | 82.368.000 | 90.168.000 | 287.388.144 |
| Glasafrjóvgun (ICSI/IVF) Fyrsta meðferð eftir lyfjameðferð |
1.248.000 | 936.000 | – | 624.000 | 2.808.000 |
| Annað (a–d-liður 3. tölul. 3. gr. reglugerðar) | 3.600.625 | 1.287.549 | 1.453.396 | 1.487.196 | 7.828.766 |
| Alls | 55.524.769 | 76.767.549 | 91.357.396 | 98.999.196 | 322.648.910 |
3. Hver var kostnaður hins sjúkratryggða við tæknifrjóvganir sem falla undir 3. gr. reglugerðar nr. 1239/2018 á árunum 2019–2022? Svar óskast sundurliðað eftir árum.
Kostnaður einstaklinga í eftirfarandi töflu miðast við gjaldskrá Sjúkratrygginga Íslands, nr. 1241/2018, fyrir tæknifrjóvgun sem ekki hefur verið samið um. Ljóst er að kostnaður einstaklinga er hærri þar sem gjaldskrá Livio hefur hækkað umfram fyrrgreinda gjaldskrá.
| Tæknifrjóvgun Kostnaður sjúkratryggðra |
2019 | 2020 | 2021 | 2022 | Alls |
| Glasafrjóvgun (ICSI/IVF) Fyrsta meðferð |
90.744.000 | 106.248.000 | 143.184.000 | 127.680.000 | 467.856.000 |
| Glasafrjóvgun (ICSI/IVF) Önnur til fjórða meðferð |
24.715.462 | 37.128.000 | 44.352.000 | 48.552.000 | 154.747.462 |
| Glasafrjóvgun (ICSI/IVF) Fyrsta meðferð eftir lyfjameðferð |
672.000 | 504.000 | – | 336.000 | 1.512.000 |
| Annað (a–d-liður 3. tölul. 3. gr. reglugerðar) | 1.938.798 | – | – | – | 1.938.798 |
| Alls | 118.070.260 | 143.880.000 | 187.536.000 | 176.568.000 | 626.054.260 |
4. Hversu margar ófrjósemisaðgerðir sem falla undir lög nr. 35/2019 voru framkvæmdar á Íslandi á árunum 2019–2022? Svar óskast sundurliðað eftir árum, kyni sjúklinga og tegund aðgerðar.
Embætti landlæknis hefur ekki upplýsingar um fjölda ófrjósemisaðgerða eftir árið 2018. Fyrir gildistöku laga nr. 35/2019 byggðu gögn landlæknis um ófrjósemisaðgerðir á skráðum upplýsingum á þar til gerðum umsóknareyðublöðum sem embætti landlæknis fékk send frá heilbrigðisstarfsfólki og heilbrigðisstofnunum sem framkvæmdu slíkar aðgerðir. Eftir gildistöku hinna nýju laga var útgáfu umsóknareyðublaðanna um ófrjósemisaðgerðir hætt, enda markmið laganna m.a. að tryggja einstaklingum sjálfsforræði til að taka ákvörðun um ófrjósemisaðgerð. Þá er í hinum nýju lögum ekki kveðið á um að landlæknir skuli halda sérstaka skrá um ófrjósemisaðgerðir eins og áður var. Í stað þess að halda sérstaka ópersónugreinanlega skrá um ófrjósemisaðgerðir var ákveðið að byggja upplýsingar um þessa tegund heilbrigðisþjónustu á skráðum sjúkdómsgreiningum og aðgerðarkóðum úr sjúkraskrárkerfum sem berast í heilbrigðisskrár sem embætti landlæknis heldur, sbr. 8. gr. laga um landlækni og lýðheilsu.
Flestar ófrjósemisaðgerðir eru gerðar á stofum sjálfstætt starfandi lækna og eiga skráningar um slíkar aðgerðir því að mestu að vera í samskiptaskrá sjálfstætt starfandi sérfræðilækna, sbr. 8. tölul. 2. mgr. fyrrgreinds ákvæðis. Hins vegar hefur embættið ekki kallað eftir upplýsingum sérfræðilækna í skrána í nokkur ár þar sem fram kemur í áliti Persónuverndar í máli nr. 2020010064 að þörf sé á skýrari ákvæðum í settum lögum um heilbrigðisskrár.
Innan ráðuneytisins er unnið að endurskoðun á ákvæðum laga nr. 41/2007, um landlækni og lýðheilsu, um heilbrigðisskrár landlæknis, m.a. til að taka af allan vafa um heimildir til gagnaöflunar. Stefnt er á að leggja fram frumvarp um þær breytingar á 154. löggjafarþingi 2023–2024.
5. Hver var kostnaður hins opinbera við ófrjósemisaðgerðir sem falla undir lög nr. 35/2019 á árunum 2019–2022? Svar óskast sundurliðað eftir árum, kyni sjúklinga og tegund aðgerðar.
Ekki liggja fyrir upplýsingar um kostnað hins opinbera við ófrjósemisaðgerðir sem falla undir lög nr. 35/2019 á árunum 2019–2022. Embætti landlæknis hefur ekki upplýsingar um fjölda ófrjósemisaðgerða eftir árið 2018, sjá svar við 4. tölul. fyrirspurnar.
