Ferill 642. máls. Aðrar útgáfur af skjalinu: PDF - Word Perfect.
154. löggjafarþing 2023–2024.
Þingskjal 955 — 642. mál.
Fyrirspurn
til fjármála- og efnahagsráðherra um samráð stjórnvalda og persónuafslátt lífeyrisþega.
Frá Guðmundi Inga Kristinssyni.
1. Hvers vegna lagði ráðherra til að fella brott persónuafslátt lífeyrisþega sem búsettir eru erlendis, sbr. a-lið 11. gr. frumvarps er varð að lögum nr. 102/2023?
2. Hvers vegna var umrædd breyting ekki meðal þeirra sem fjallað var um í þeim skjölum sem birt voru í samráðsgátt stjórnvalda vegna fyrirhugaðs frumvarps, þ.e. í máli S-172/2023?
3. Hafði ráðuneytið samráð við félags- og vinnumarkaðsráðuneyti um framangreinda frumvarpsgrein og hugsanleg áhrif hennar, yrði hún að lögum?
4. Hafði ráðuneytið samráð við helstu hagsmunasamtök lífeyrisþega, öryrkja og eldri borgara vegna framangreindrar frumvarpsgreinar í aðdraganda framlagningar frumvarpsins?
Skriflegt svar óskast.