Ferill 1023. máls. Aðrar útgáfur af skjalinu: PDF - Word Perfect.
154. löggjafarþing 2023–2024.
Þingskjal 1702 — 1023. mál.
Svar
fjármála- og efnahagsráðherra við fyrirspurn frá Diljá Mist Einarsdóttur um yfirvinnu ríkisstarfsmanna.
1. Hvert var hlutfall yfirvinnu af heildarlaunum ríkisstarfsmanna sem fengu greiddar yfirvinnustundir á árinu 2023, sundurliðað eftir stofnunum? Átt er við þær ríkisstofnanir þar sem launavinnslu er sinnt af Fjársýslunni.
Í launakerfi ríkisins hafa laun verið flokkuð í dagvinnulaun, yfirvinnulaun, vaktaálag og önnur laun. Störf eru einnig flokkuð í dagvinnu, vaktavinnu og tímavinnu. Í eftirfarandi yfirliti eru taldar til allar launategundir sem flokkast undir yfirvinnu og miðað er við störf sem teljast til dagvinnu- og vaktavinnu, en undanskilið er tímavinnufólk. Stofnanir eru ekki meðtaldar ef stöðugildi eru 10 eða færri á árinu 2023 og einnig er miðað við að hlutfall yfirvinnu nái a.m.k. 1% af heildarlaunum stofnunar. Stofnunum er raðað í stafrófsröð. Gögnin eru sótt í launakerfi Fjársýslu ríkisins fyrir árið 2023. Yfirvinnulaun eru sett í hlutfall við heildarlaun og reiknað meðaltal á stöðugildi þeirra sem fengu greidda yfirvinnu. Yfirlitið sýnir hlutfall yfirvinnulauna af heildarlaunum þeirra starfsmanna sem fengu greitt fyrir yfirvinnu á árinu 2023.
| Alþingi | 17,3% |
| Barna- og fjölskyldustofa | 7,9% |
| Borgarholtsskóli | 24,2% |
| Dómsmálaráðuneyti, aðalskrifstofa | 11,0% |
| Embætti forseta Íslands | 25,9% |
| Fangelsismálastofnun ríkisins | 15,3% |
| Félags- og vinnumarkaðsráðuneyti, aðalskrifstofa | 9,2% |
| Fiskistofa | 22,8% |
| Fjarskiptastofa | 4,9% |
| Fjármála- og efnahagsráðuneyti, aðalskrifstofa | 16,4% |
| Fjársýsla ríkisins | 9,8% |
| Fjölbrautaskóli Norðurlands vestra | 23,3% |
| Fjölbrautaskóli Snæfellinga | 4,0% |
| Fjölbrautaskóli Suðurlands | 19,8% |
| Fjölbrautaskóli Suðurnesja | 27,0% |
| Fjölbrautaskóli Vesturlands | 16,4% |
| Fjölbrautaskólinn Ármúla | 14,5% |
| Fjölbrautaskólinn í Breiðholti | 30,0% |
| Fjölbrautaskólinn í Garðabæ | 24,0% |
| Flensborgarskóli | 11,2% |
| Forsætisráðuneyti, aðalskrifstofa | 13,6% |
| Framhaldsskólinn á Húsavík | 8,1% |
| Framhaldsskólinn á Laugum | 8,6% |
| Framhaldsskólinn í A-Skaftafellssýslu | 5,3% |
| Framhaldsskólinn í Mosfellsbæ | 6,8% |
| Framhaldsskólinn í Vestmannaeyjum | 12,8% |
| Framkvæmdasýsla ríkisins | 10,1% |
| Geislavarnir ríkisins | 12,4% |
| Gæða- og eftirlitsstofnun velferðarmála | 9,4% |
| Hafrannsóknastofnun | 13,2% |
| Hagstofa Íslands | 11,6% |
| Háskóla-, iðnaðar- og nýsköpunarráðuneyti, aðalskrifstofa | 11,1% |
| Háskóli Íslands | 13,3% |
| Háskólinn á Akureyri | 10,4% |
| Heilbrigðisráðuneyti, aðalskrifstofa | 8,3% |
| Heilbrigðisstofnun Austurlands | 9,1% |
| Heilbrigðisstofnun Norðurlands | 10,2% |
| Heilbrigðisstofnun Suðurlands | 10,9% |
| Heilbrigðisstofnun Suðurnesja | 10,3% |
| Heilbrigðisstofnun Vestfjarða | 7,2% |
| Heilbrigðisstofnun Vesturlands | 11,2% |
| Heilsugæsla höfuðborgarsvæðisins | 7,6% |
| Heyrnar- og talmeinastöð Íslands | 5,5% |
| Héraðsdómstólar | 5,3% |
| Héraðssaksóknari | 21,4% |
| Hólaskóli – Háskólinn á Hólum | 11,6% |
| Húsnæðis- og mannvirkjastofnun | 9,0% |
| Innviðaráðuneyti, aðalskrifstofa | 10,8% |
| Íslenski dansflokkurinn | 4,5% |
| Kvennaskólinn í Reykjavík | 19,0% |
| Kærunefnd útlendingamála | 6,3% |
| Landbúnaðarháskóli Íslands | 10,9% |
| Landgræðsla ríkisins | 6,3% |
| Landhelgisgæsla Íslands | 21,0% |
| Landlæknir | 3,4% |
| Landmælingar Íslands | 5,5% |
| Landsbókasafn Íslands – Háskólabókasafn | 8,8% |
| Landspítali | 13,8% |
| Landsréttur | 9,8% |
| Listasafn Íslands | 9,5% |
| Lögreglustjórinn á Austurlandi | 12,6% |
| Lögreglustjórinn á höfuðborgarsvæðinu | 22,0% |
| Lögreglustjórinn á Norðurlandi eystra | 17,4% |
| Lögreglustjórinn á Norðurlandi vestra | 19,0% |
| Lögreglustjórinn á Suðurlandi | 17,6% |
| Lögreglustjórinn á Suðurnesjum | 16,4% |
| Lögreglustjórinn á Vestfjörðum | 14,7% |
| Lögreglustjórinn á Vesturlandi | 14,4% |
| Lögreglustjórinn í Vestmannaeyjum | 15,5% |
| Matvælaráðuneyti, aðalskrifstofa | 11,1% |
| Matvælastofnun | 11,6% |
| Menningar- og viðskiptaráðuneyti, aðalskrifstofa | 11,0% |
| Mennta- og barnamálaráðuneyti, aðalskrifstofa | 10,6% |
| Menntamálastofnun | 6,3% |
| Menntaskólinn að Laugarvatni | 6,0% |
| Menntaskólinn á Akureyri | 13,1% |
| Menntaskólinn á Egilsstöðum | 13,6% |
| Menntaskólinn á Ísafirði | 17,5% |
| Menntaskólinn á Tröllaskaga | 20,8% |
| Menntaskólinn í Kópavogi | 18,8% |
| Menntaskólinn í Reykjavík | 12,8% |
| Menntaskólinn við Hamrahlíð | 17,8% |
| Menntaskólinn við Sund | 15,8% |
| Náttúrufræðistofnun Íslands | 6,4% |
| Orkustofnun | 11,1% |
| Persónuvernd | 6,3% |
| Rannsóknamiðstöð Íslands | 8,7% |
| Ráðgjafar- og greiningarstöð | 4,7% |
| Ríkisendurskoðun | 11,2% |
| Ríkislögreglustjóri | 23,6% |
| Samgöngustofa | 10,2% |
| Samkeppniseftirlitið | 22,1% |
| Samskiptamiðstöð heyrnarlausra og heyrnarskertra | 7,3% |
| Sinfóníuhljómsveit Íslands | 3,8% |
| Sjúkrahúsið á Akureyri | 14,2% |
| Sjúkratryggingar Íslands | 8,4% |
| Skatturinn | 13,1% |
| Skipulagsstofnun | 6,4% |
| Skógrækt ríkisins | 12,6% |
| Stofnun Árna Magnússonar í íslenskum fræðum | 5,8% |
| Sýslumaður höfuðborgarsvæðisins | 2,2% |
| Sýslumaður Norðurlands eystra | 2,6% |
| Sýslumaður Suðurlands | 7,1% |
| Sýslumaður Vesturlands | 6,0% |
| Tilraunastöð Háskólans að Keldum | 7,8% |
| Tryggingastofnun ríkisins | 6,4% |
| Umboðsmaður Alþingis | 9,9% |
| Umboðsmaður skuldara | 11,8% |
| Umhverfis-, orku- og loftslagsráðuneyti, aðalskrifstofa | 12,8% |
| Umhverfisstofnun | 8,6% |
| Utanríkisráðuneyti, aðalskrifstofa | 12,7% |
| Úrskurðarnefnd umhverfis- og auðlindamála | 18,9% |
| Útlendingastofnun | 5,7% |
| Vatnajökulsþjóðgarður | 4,0% |
| Veðurstofa Íslands | 8,4% |
| Vegagerðin | 18,6% |
| Verkmenntaskóli Austurlands | 16,6% |
| Verkmenntaskólinn á Akureyri | 24,1% |
| Vinnueftirlit ríkisins | 9,8% |
| Vinnumálastofnun | 6,2% |
| Þjóðgarðurinn á Þingvöllum | 8,3% |
| Þjóðleikhúsið | 18,3% |
| Þjóðminjasafn Íslands | 8,4% |
| Þjóðskjalasafn Íslands | 6,4% |
| Þjóðskrá Íslands | 4,9% |
2. Hver var meðalfjöldi yfirvinnustunda þeirra ríkisstarfsmanna sem fengu greiddar yfirvinnustundir á árinu 2023? Svar óskast sundurliðað eftir fastri yfirvinnu annars vegar og annarri yfirvinnu hins vegar.
Meðalfjöldi yfirvinnustunda þeirra starfsmanna sem fengu greiddar yfirvinnustundir er reiknaður sem meðaltal á hvert stöðugildi. Stöðugildi er mælikvarði á starfshlutfall og einstaklingur í fullu starfi yfir heilt ár hefur gildið 1 á þessum mælikvarða. Meðaltal í eftirfarandi töflu sýnir meðaltal greiddra stunda á stöðugildi á ári og á mánuði. Starfsfólk í dagvinnu og vaktavinnu sem fær greidda fasta yfirvinnu er að meðaltali með 211 stundir á ári fyrir hvert stöðugildi, en það svarar til 17,6 stunda að meðaltali á mánuði fyrir þann hóp. Starfsfólk sem fær aðra yfirvinnu en fasta fær að meðaltali 151 stund á ári, eða sem svarar til 12,6 stunda að meðaltali á mánuði. Meðalfjöldi yfirvinnutíma er hér reiknaður miðað við fjölda stöðugilda í hverjum hóp fyrir sig. Eingöngu eru talin með stöðugildi þeirra sem fengu greidda yfirvinnu.
| Stundir á stg. á ári | Stundir á stg. á mán. | |
| Föst yfirvinna | 211 | 17,6 |
| Önnur yfirvinna | 151 | 12,6 |
| Meðaltal | 205 | 17,0 |
3. Hver er stefna ráðuneytisins varðandi yfirvinnugreiðslur hjá ríkinu?
Fjármála- og efnahagsráðuneytið annast málefni mannauðsmála ríkisins og gerð kjarasamninga en forstöðumenn stofnana ríkisins fara með framkvæmd starfsmannamála og ákvörðun launa á sinni stofnun. Ráðuneytið leiðbeinir jafnframt stofnunum um framkvæmd kjarasamninga. Í kjarasamningum við starfsmenn ríkisins hefur á undanförnum árum verið samið um vinnutímabreytingar í nafni betri vinnutíma og er eitt af megin markmiðum þess verkefnis að yfirvinna minnki. Því hefur verið beint til stofnana að vinna að því með innleiðingu betri vinnutíma að draga úr yfirvinnu þannig að hlutfall yfirvinnu af heildarlaunakostnaði lækki.
