 Arnbjörg Sveinsdóttir Fædd í Reykjavík 18. febrúar 1956. Foreldrar: Sveinn Guðmundsson (fæddur 25. nóvember 1922, dáinn 13. október 1995) framkvæmdastjóri, bróðursonur Jóns Jónssonar alþingismanns á Hvanná, og kona hans Guðrún Björnsdóttir (fædd 15. apríl 1929, dáin 1. september 1971) húsmóðir, bróðurdóttir Jóns Jónssonar alþingismanns á Hvanná. Maki (27. desember 1975): Garðar Rúnar Sigurgeirsson (fæddur 30. júlí 1953) framkvæmdastjóri. Foreldrar: Sigurgeir Garðarsson og kona hans Brynhildur Ragna Finnsdóttir. Börn: Guðrún Ragna (1976), Brynhildur Bertha (1980). Stúdentspróf MR 1976. Laganám HÍ 1980-1982. MBA HÍ 2012. Fiskvinnslustörf og fleira á skólaárum. Starfsmaður afgreiðslu Smyrils og Eimskips 1975-1979. Kennari við Seyðisfjarðarskóla 1976-1977. Fulltrúi í launadeild Ríkisspítalanna 1977-1980. Verslunar- og skrifstofustörf 1982-1983. Skrifstofustörf hjá Fiskvinnslunni hf. og Gullbergi hf. 1983-1990. Skrifstofu- og fjármálastjóri Fiskiðjunnar Dvergasteins hf. 1990-1995. Í bæjarstjórn Seyðisfjarðar 1986-1998, forseti hennar 1994-1996. Í stjórn Samtaka sveitarfélaga á Austurlandi, formaður 1991-1992. Á sama tíma formaður landshlutasamtaka sveitarfélaga. Formaður stjórnskipaðrar nefndar um framhaldsnám á Austurlandi. Í skólanefnd Menntaskólans á Egilsstöðum 1991-1995. Í stjórn Héraðsskjalasafns Austurlands 1994-1997. Sat á allsherjarþingi Sameinuðu þjóðanna 1995. Í miðstjórn Sjálfstæðisflokksins 1995-2009. Í stjórn Húsnæðisstofnunar ríkisins 1995-1998 og stjórn Íbúðalánasjóðs 1999-2000. Í stjórn Byggðastofnunar 2000-2007. Í stjórn Rariks 2003-2004. Í stjórn Flugstoða ohf. síðan 2007, áður í undirbúningsstjórn. Í Þingvallanefnd 2008-2009. Alþingismaður Austurlands 1995-2003, alþingismaður Norðausturkjördæmis 2004-2009 (Sjálfstæðisflokkur). Varaþingmaður Norðausturkjördæmis nóvember-desember 2003, október 2011, október 2012, febrúar 2017 og maí-júní 2017 (Sjálfstæðisflokkur). Formaður þingflokks sjálfstæðismanna 2005-2009. Fjárlaganefnd 1995-2003 og 2004-2007, menntamálanefnd 1995-1999, félagsmálanefnd 1995-2003 (formaður 1999-2003), samgöngunefnd 1999-2003 og 2004-2005, kjörbréfanefnd 1999-2003 og 2005-2009 (formaður 2006-2009), sérnefnd um stjórnarskrármál 2002-2003, allsherjarnefnd 2003-2004, umhverfisnefnd 2004-2005, sjávarútvegsnefnd 2005-2007, sjávarútvegs- og landbúnaðarnefnd 2007-2009 (formaður 2007-2009). Íslandsdeild Norðurlandaráðs 1999-2003 og 2004-2006. Íslandsdeild þingmannanefndar EFTA 2007-2009.
|
