Bryndís Hlöðversdóttir

Fædd á Selfossi 8. október 1960. Foreldrar: Hlöðver Kristjánsson (fæddur 11. desember 1925, dáinn 12. febrúar 2003) öryggisfulltrúi og kona hans Kristjana Esther Jónsdóttir (fædd 5. mars 1927) sjúkraliði. Maki 1 (14. júlí 1984): Jóel Jóelsson (fæddur 3. október 1957) húsasmiður. Þau skildu. Foreldrar: Jóel Sigurðsson og kona hans Sigurdís Sæmundsdóttir. Maki 2 (29. desember 2001) Hákon Gunnarsson (fæddur 18. október 1959) viðskiptafræðingur. Foreldrar: Gunnar R. Magnússon og kona hans Sigurlaug S. Zophoníasdóttir. Þau skildu. Synir: Hlöðver Skúli (1997), Magnús Nói (1997).

Stúdentspróf Flensborg 1982. Lögfræðipróf HÍ 1992.

Stundaði skrifstofustörf í Reykjavík 1982-1987. Starfsmaður dómsmálaráðuneytis 1990-1992. Lögfræðingur hjá ASÍ 1992-1995. Stundakennari við Háskólann á Bifröst 2004-2005. Deildarforseti lagadeildar Háskólans á Bifröst 2005-2011. Rektor Háskólans á Bifröst 2011-2013. Starfsmannastjóri Landspítala 2013-2015. Ríkissáttasemjari síðan 2015.

Í stjórn Kvenréttindafélags Íslands 1992-1997, formaður þess 1995-1997. Í stjórn Ábyrgðasjóðs launa 1993-1995. Í nefnd um framkvæmd á samþykktum Alþjóðavinnumálastofnunarinnar 1992-1995. Í siðaráði landlæknis síðan 1994. Fulltrúi á Alþjóðavinnumálaþinginu í Genf 1993-1995.

Alþingismaður Reykvíkinga 1995-2003 (Alþýðubandalag og óháðir, Samfylkingin), alþingismaður Reykjavíkurkjördæmis norður 2003-2005 (Samfylkingin).

Formaður þingflokks Samfylkingarinnar 2001-2004.

Menntamálanefnd 1995, félagsmálanefnd 1995-1997, fjárlaganefnd 1995-1997, allsherjarnefnd 1997-1998 og 2004-2005, heilbrigðis- og trygginganefnd 1998-2001, iðnaðarnefnd 2001-2003, sérnefnd um stjórnarskrármál 2002-2003 og 2004, umhverfisnefnd 2003-2004, samgöngunefnd 2004-2005.

Íslandsdeild VES-þingsins 2003-2005, Íslandsdeild þingmannanefndar EFTA 2004-2005.