Orri Páll Jóhannsson

Orri Páll Jóhannsson
  • Embætti: Formaður þingflokks
  • Kjördæmi: Reykjavíkurkjördæmi suður
  • Þingflokkur: Vinstrihreyfingin – grænt framboð
  • 845-6774

Þingseta

Alþingismaður Reykjavíkurkjördæmis suður síðan 2021 (Vinstrihreyfingin – grænt framboð).

Varaþingmaður Reykjavíkurkjördæmis norður janúar–febrúar, apríl og september 2017, september, nóvember og desember 2019 og júní 2020 (Vinstrihreyfingin – grænt framboð).

Formaður þingflokks Vinstrihreyfingarinnar – græns framboðs síðan 2021.

Æviágrip

Fæddur í Reykjavík 19. maí 1978. Foreldrar: Jóhann Pálsson (fæddur 15. janúar 1952, dáinn 17. nóvember 1986) framkvæmdastjóri og Sigrún Bergljót Björnsdóttir (fædd 13. júlí 1950) kennari og námsráðgjafi. Maki: Jóhannes Elmar Jóhannesson Lange (fæddur 16. júní 1974) nemi og leiðbeinandi á leikskóla. Foreldrar: Jóhannes Hrafn Þórarinsson og Eva María Lange Þórarinsson.

Stúdentspróf MH 1998. Búfræðingur frá Landbúnaðarháskólanum á Hvanneyri 2000. BS-próf í vistfræði og umhverfisvernd frá Umhverfis- og lífvísindaháskóla Noregs að Ási 2005.

Verkefnisstjóri Skóla á grænni grein (Grænfánans) hjá Landvernd 2008–2012. Landvörður og aðstoðarmaður þjóðgarðsvarðar á austursvæði Vatnajökulsþjóðgarðs 2012–2015. Aðstoðarmaður þjóðgarðsvarðar og þjóðgarðsvörður á vestursvæði Vatnajökulsþjóðgarðs 2015–2017. Aðstoðarmaður umhverfis- og auðlindaráðherra 2017–2021.

Fulltrúi Reykjavíkurborgar í skólanefnd MH 2000–2017. Fulltrúi mennta- og menningarmálaráðherra í háskólaráði LBHÍ 2009–2013. Í stjórn Eldvatna – samtaka um náttúruvernd í Skaftárhreppi 2015–2018. Í stjórn Reykjavíkurfélags Vinstrihreyfingarinnar – græns framboðs 2016–2018. Í flokksráði Vinstrihreyfingarinnar – græns framboðs 2017–2021. Í Þingvallanefnd 2022–.

Alþingismaður Reykjavíkurkjördæmis suður síðan 2021 (Vinstrihreyfingin – grænt framboð).

Varaþingmaður Reykjavíkurkjördæmis norður janúar–febrúar, apríl og september 2017, september, nóvember og desember 2019 og júní 2020 (Vinstrihreyfingin – grænt framboð).

Formaður þingflokks Vinstrihreyfingarinnar – græns framboðs síðan 2021.

Umhverfis- og samgöngunefnd 2021–, framtíðarnefnd 2021–.

Íslandsdeild Norðurlandaráðs 2021–.

Æviágripi síðast breytt 31. mars 2022.

Áskriftir